Валерый Мельнікаў: З Паўночнай Ірландыяй трэба згуляць, як Ноер супраць Кавалёва - тэхнічна і відовішчна

Матч Беларусь - Паўночная Ірландыя адбудзецца сёння на «Барысаў-Арэне» і пачнецца а 21:45.

Уладальнік золата чэмпіянату СССР-1982 у складзе менскага «Дынама» Валерый Мельнікаў падзяліўся чаканнямі перад адборачным матчам чэмпіянату Еўропы-2020 Беларусь - Паўночная Ірландыя, які пройдзе сёння, 11 чэрвеня, у Барысаве.

- Сёння паядынак з Паўночнай Ірландыяй. І першае, што трэба зрабіць, - скінуць кайданы. Выйсці і проста згуляць у футбол. Як Мануэль Ноер супраць Юрыя Кавалёва - тэхнічна і відовішчна. Думаю, павінны з'явіцца ў стартавым складзе Павел Няхайчык з Ігарам Стасевічам, якіх Ігар Крывушэнка, відавочна, наважыў зберагчы і не кідаць пад немцаў. Хоць які ў гэтым сэнс, асабіста мне не зусім ясна - змагацца на ўсю катушку трэба ў кожнай сустрэчы, наша задача ў гэтай сітуацыі гуляць для гледачоў, а не на вынік.

Крыўдна будзе саступіць чацвёрты раз запар. Тым больш дома. Ды яшчэ камандзе Паўночнай Ірландыі. Адступаць няма куды. Справа ідзе пра гонар і годнасць, - прыводзіць словы Мельнікава sb.by.