У Малдове затрымалі лідара прарасейскай партыі
2- 16.06.2019, 19:17
- 12,541
Рэната Вусатага затрымалі пры пераходзе румынска-малдоўскай мяжы.
У Малдове праваахоўнікі на мытні затрымалі лідара прарасейскай партыі «Наша партыя» Рэната Вусатага пры спробе ўезду ў краіну. Пра гэта паведамляе РБК-Украина.
Вусаты паведаміў, што наважыў вярнуцца ў краіну пасля некалькіх гадоў пражывання ў РФ і іншых краінах праз выгнанне з Малдовы лідара Дэмакратычнай партыі Улада Плахатнюка. Ён заявіў, што крымінальныя справы на яго імя былі сфабрыкаваныя на просьбу Плахатнюка і цяпер ён мае магчымасці зняпраўдзіць выстаўленыя яму абвінавачванні.
Паведамляецца, што лідара партыі затрымалі пры пераходзе румынска-малдоўскай мяжы. З мяжы яго накіравалі ў Кішынёў, у пракуратуру барацьбы з арганізаванай злачыннасцю.
У пракуратуры Малдовы паведамілі, што Вусаты падазраецца ў арганізацыі злачыннай групоўкі, сябры якой здзейснілі замах на забойства і прысваенне чужой маёмасці. Ён знаходзіўся ў міжнародным вышуку з 2016 года, яго абвінавацілі ў датычнасці да замаху на былога расейскага банкіра Германа Гарбунтова, якога ён бы пазбавіў кантрольнага пакета акцый.