«Навіна пра наш страйк нарабіла шуму»: у Гатаве прадаўжаецца пратэст
51- 18.06.2019, 13:10
- 41,553
Грошы рабочым дагэтуль не выплацілі.
Нагадаем, з учорашняга дня на заводзе «Праммеханіка» у Гатаве цэхі спыніліся. Людзі спынілі працу, патрабуючы выплаты заробку. З сакавіка яны атрымліваюць грошы часткамі. Шмат каму прадпрыемства віннае 2-3 тысячы рублёў і больш. Сёння з раніцы выканаўца абавязкаў дырэктара сустрэўся з калектывам. Але калі дакладна будуць грошы, ён рабочым так і не паведаміў, піша onliner.by.
- Сёння мы зноў выйшлі на працу, але за станкі не сталі, - распавялі рабочыя прадпрыемства. - Раніцай дырэктар вярнуўся з пракуратуры і а 9 раніцы прыйшоў на сустрэчу з намі. Сказаў, што пакуль грошай няма і пра тое, як расплацяцца з заводам, будзе вядома толькі пад 14:00 гадзін. Мы прадаўжаем страйк. Зноў жа, наша ўмова: пачнём працаваць тады, калі грошы цалкам прыйдуць на карткі. Дагэтуль за станкі не станем.
Бліжэй да 11:00 стала вядома, што на завод выехалі прадстаўнікі абласнога выканкама.
- Відаць, учорашняя навіна пра наш страйку нарабіла шуму, - кажуць рабочыя. - Нам сказалі, што яны прыедуць паглядзець на сітуацыю на прадпрыемстве, магчыма, неяк паспрыяюць, каб Краснасельскі завод з намі разлічыўся. Будзем трымаць вас у курсе.
Кампанія «Завод «Праммеханіка» размешчаная ў пасёлку Гатава пад Менскам. Большасць яе акцый належаць прыватным асобам, частка «Белрэсурсы». «Праммеханіка» вырабляе прамысловае абсталяванне. Сярод яго партнёраў такія буйныя прадпрыемствы, як «Беларуськалій», «Мазырсоль», «Граніт», «Пінскдрэў», «Івацэвічыдрэў» і гэтак далей. Усяго на прадпрыемстве працуе блізу 100 чалавек, палова з якіх - простыя рабочыя.
