Зяленскі надумаў ператварыць будынак Адміністрацыі прэзідэнта Украіны ў музей

Сама Адміністрацыя пераедзе з цэнтра Кіева.

Прэзідэнт Украіны Уладзімір Зяленскі заявіў аб планах перамясціць Адміністрацыю прэзідэнта з цэнтра Кіева, а на Банкавай стварыць музей.

Пра гэта Зяленскі заявіў падчас нефармальнай сустрэчы з журналістамі ў адміністрацыі прэзідэнта.

«Я вельмі гэтага (пераезду - Рэд.) хачу. Галоўная для мяне цяпер праблема - тэрміны. Таму што будаваць з самага пачатку - гэта немагчыма. Тут нельга знаходзіцца, я звар'яцею», - цытуе прэзідэнта «Украінская праўда».

Са слоў Зяленскага, на Банкавай можна стварыць вялікі мастацкі музей.

«Адно пытанне, на якое я не пагадзіўся, таму цяпер шукаюць фінансавую схему - нармальную схему, а не "ценявую" нейкую, каб не браць грошы з бюджэту. Хоць на гэта нешта там у іх ёсць, але я не хачу зусім нічога браць. Гэта адзінае пытанне, якое можа перашкодзіць вельмі хуткаму пераезду», - дадаў ён.