СМІ: Прэзідэнт Грузіі перапыніла свой візіт у Беларусь і вяртаецца ў Тбілісі
17- 21.06.2019, 9:24
- 30,959
Дадзены дазвол на вылет самалёта.
Прэзідэнтка Грузіі Саламэ Зурабішвілі ў пятніцу перапыніла свой візіт у Беларусь і вяртаецца ў Тбілісі. Пра гэта паведаміў ТАСС крыніца ва ўрадавых колах Беларусі.
«Прэзідэнтка Грузіі едзе ў аэрапорт, дадзены дазвол на вылет самалёта», - сказаў суразмоўца.
Як паведамляе карэспандэнт ТАСС з Дома ўрада Беларусі, грузінскія журналісты, якія чакалі тут сустрэчы прэзідэнта Грузіі з прэм'ер-міністрам Беларусі Сяргеем Румасам, што павінна была адбыцца раніцай у пятніцу, спехам парадку пакінулі будынак.
Прэзідэнтка Грузіі прыбыла ў Менск з візітам у чацвер. Планавалася, што яна сустрэнецца з Лукашэнкам, прэм'ер-міністрам і кіраўнікамі абедзвюх «палат» беларускага «парламента». Таксама Зурабішвілі ў якасці ганаровага госця павінна была прысутнічаць на цырымоніі адкрыцця II Еўрапейскіх гульняў.
У чацвер блізу 10 тысяч дэманстрантаў сабраліся каля будынка парламента ў цэнтры Тбілісі, патрабуючы адстаўкі кіраўніка МУС і старшыні парламента праз візіт расейскіх дэпутатаў у Тбілісі.
Пратэстоўцы распачалі спробу штурму будынка. Паліцыя разагнала мітынг, ужыўшы слёзацечны газ, гумовыя кулі і вадамёты. Як паведамляюць грузінскія СМІ, затрымана некалькі дзясяткаў чалавек. Са звестак Міністэрства аховы здароўя краіны, пацярпелі 52 чалавекі, у тым ліку 38 паліцэйскіх.