NYT: Трамп у астатні момант скасаваў удар па Іране

Сярод патэнцыйных цэляў былі радыёлакацыйная станцыя і ракетныя батарэі.

Прэзідэнт ЗША Дональд Трамп ухваліў нанясенне удараў па Іране пасля таго, як узброеныя сілы гэтай краіны збілі амерыканскі беспілотнік, аднак пазней скасаваў іх. Пра гэта паведаміла ў чацвер газета The New York Times (пераклад - tass.ru).

«Прэзідэнт Трамп ухваліў вайсковыя ўдары ў дачыненні да Ірану ў адказ на тое, што быў збіты амерыканскі выведвальны беспілотнік, аднак затым у чацвер вечарам, пасля росту напружанасці цягам дня, скасаваў іх», - гаворыцца ў матэрыяле.

Са слоў крыніц газеты ў адміністрацыі, «а 19:00 у чацвер (02:00 пятніцы ў Менску) пасля актыўных кансультацый і спрэчак у Белым доме сярод ключавых памочнікаў прэзідэнта, якія займаюцца пытаннямі нацыянальнай бяспекі, і лідараў Кангрэса вайскоўцы і дыпламаты чакалі, што будуць нанесеныя ўдары».

Як адзначаецца ў публікацыі, амерыканскі лідар «першапачаткова ўхваліў ўдары па невялікай колькасці цэляў у Іране, такіх як радыёлакацыйная станцыя і ракетныя батарэі». Са звестак выдання, ЗША павінны былі пачаць атаку да таго, як у Іране ў пятніцу наступіць світанак, «каб мінімізаваць рызыку для іранскіх вайскоўцаў або цывільных асоб». Аднак неўзабаве [амерыканскім] вайскоўцам паведамілі, што нанясенне удараў скасаванае прынамсі на гадзіну», - гаворыцца ў матэрыяле.

У артыкуле канстатуецца: «Не было ясна, ці проста перадумаў Трамп з нагоды ўдараў або адміністрацыя змяніла планы лагістычнага або стратэгічнага меркаванняў». Як адзначае выданне, пакуль няма яснасці адносна таго, «ці могуць усё яшчэ нанесці ўдары».

Са звестак газеты, за правядзенне гэтай вайсковай аперацыі ў асяроддзі Трампа выступалі дзяржсакратар ЗША Майкл Пампэа, кіраўнік ЦРУ Джына Хаспел, а таксама памочнік прэзідэнта ЗША ў нацыянальнай бяспецы Джон Болтан. «Аднак ключавыя афіцыйныя асобы ў Пентагоне папярэджвалі, што гэтыя крокі могуць прывесці да хуткай эскалацыі і паставіць пад пагрозу амерыканскія сілы ў рэгіёне», - гаворыцца ў матэрыяле.

Ключавыя заканадаўцы таксама былі азнаёмленыя з планамі Вашынгтона. Дэмакраты пасля гэтага заявілі, што ўсе магчымыя вайсковыя аперацыі ЗША супраць Ірана патрабуюць адабрэння з боку амерыканскіх заканадаўцаў.

Пра інцыдэнт з беспілотнікам

У Корпусе вартавых ісламскай рэвалюцыі (КВІР) у чацвер казалі, што збілі амерыканскі выведвальны беспілотны лятальны апарат (БПЛА) Global Hawk. Паказвалася, што беспілотнік быў збіты ў небе над правінцыяй Хормазган на поўдні Ірана пасля таго, як уварваўся ў паветраную прастору краіны.

У сваю чаргу прадстаўнік Цэнтральнага камандавання Узброеных сіл ЗША (СЕНТКАМ) Біл Урбан пазней заявіў, што зэнітна-ракетны комплекс Ірана збіў амерыканскі выведвальны БПЛА у міжнародным паветранай прасторы над Армузскай пратокай. Урбан таксама адзначыў, што «паведамленні Ірана аб тым, што лятальны апарат знаходзіўся ў [паветранай прасторы] над іранскай тэрыторыяй, хлуслівыя» і дзеянні БПЛА не з'яўляліся правакацыяй.