Суд дазволіў Саакашвілі ўдзельнічаць у выбарах у Раду
16- 21.06.2019, 12:56
- 9,219
Міхаілу Саакашвілі здолеў давесці ў судзе, што апошнія пяць гадоў ён правёў ва Украіне.
Кіеўскі суд у пятніцу, 21 чэрвеня, прызнаў факт бесперапыннага пражывання экс-прэзідэнта Грузіі Міхаіла Саакашвілі ва Украіне цягам апошніх пяці гадоў і такім чынам дазволіў яму ўдзельнічаць у датэрміновых выбарах у Вярхоўную Pаду, піша «Нямецкая хваля».
«Суд вынес справядлівую пастанову наконт маёй магчымасці ўдзельнічаць у парламенцкіх выбарах. Яшчэ на крок бліжэй да перамогі», - напісаў ён на сваёй старонцы ў сацсетцы Facebook.
«Рух новых сіл», лідарам якога з'яўляецца Саакашвілі, у чэрвені абвясціў аб удзеле ў датэрміновых парламенцкіх выбарах. У прадстаўлены партыяй спіс кандыдатаў у дэпутаты увайшоў і сам Саакашвілі, які ў лютым 2018 года быў выправаджаны з Украіны пасля пазбаўлення яго ўкраінскага грамадзянства.
28 траўня прэзідэнт Уладзімір Зяленскі сваім указам вярнуў Саакашвілі грамадзянства, пасля чаго той вярнуўся ва Украіну.
Датэрміновыя выбары ў Вярхоўную Pаду пройдуць 21 ліпеня. Згодна з украінскімі законамі, для ўдзелу ў іх трэба пражываць ва Украіне цягам апошніх пяці гадоў.