22 лiпеня 2019, панядзелак, 5:09
Мы ў адной лодцы
Рубрыкі

Le Temps: Уладальнік расейскага НПЗ змагаецца з Крамлём

1

Гэтая гісторыя звязана з забруджваннем нафтаправода «Дружба».

"Абвешчаны расейскімі ўладамі ў міжнародны вышук Раман Трушаў абвінавачваецца ў забруджванні нафты і перакрыцці адной з галоўных нафтавых артэрый, якая злучае Расею з астатняй Еўропай. Са свайго прытулку на Жэнеўскім возеры ён сцвярджае, што людзі, набліжаныя да ўлады, адабралі ў яго нафтаперапрацоўчы завод", - піша журналіст швайцарскай газеты Le Temps Адрыа Будры Карбо (пераклад - inopressa.ru).

"Гэтая "гісторыя" звязаная з забруджваннем нафтаправода "Дружба", які злучае Расею з Еўразвязам, праходзячы 5500 кіламетраў праз тэрыторыю Беларусі, дзе нафтаправод раздзяляецца для забеспячэння поўначы і поўдня кантыненту. Менавіта тут 19 красавіка прагучала папярэджанне, калі ў нафты быў выяўлены высокі ўзровень хлорыстых злучэнняў, разбуральных для інфраструктур", - гаворыцца ў артыкуле.

"На рынку ўзнікла паніка: усе нафтаперапрацоўчыя заводы ва Усходняй Еўропе сталі баяцца эфекту даміно. Экспарт расейскай нафты быў спаралізаваны больш чым на чатыры тыдні. Беспрэцэдэнтны выпадак з моманту ўводу ў эксплуатацыю нафтаправода "Дружба" ў 1963 годзе. У Менску ўлады называюць лічбу блізу 35,7 млн барэляў забруджанай нафты. Гэта больш за траціну штодзённага спажывання ў свеце. Іншыя мяркуюць, што гэтая лічба занадта завышаная, але шкода ў кожным выпадку складае некалькі сотняў мільёнаў даляраў", - адзначае Le Temps.

"26 красавіка прэм'ер-міністр Расеі Дзмітрый Мядзведзеў даў сабе сем дзён на пошукі вінаватага. Праз дзесяць дзён органы расейскага правасуддзя назвалі шасцярых падазраваных. Іх абвінавачваюць у змове з мэтай уводу хлорарганікі ў нафтаправод, распрацаваны дзяржаўнай кампаніяй "Транснафта". Чацвёра былі арыштаваныя неадкладна, двое абвешчаныя ўцекачамі ў Еўропу. Раман Трушаў - адзін з іх", - адзначае аўтар публікацыі.

"Трушаў зарабіў сваё багацце на вуглевадародах, са Швайцарыяй ён звязаны з тых часоў, як у 2009 годзе ён пасяліў там сваю сям'ю. Ён запэўнівае, што прыехаў да яе на вакацыі, за дзесяць дзён да афіцыйнага абвінавачвання з боку расейскага правасуддзя", - гаворыцца ў артыкуле.

"Ягоныя эканамічныя інтарэсы сканцэнтраваны ў Самарскай вобласці (паўднёва-захад Расеі), за 1 тысячы км ад Масквы. Уладальнік тэрмінала "Самаратранснафта", а таксама невялікага прылеглага нафтаперапрацоўчага завода (прынамсі, да канца 2018 года), ён абвінавачваецца Масквой у забруджванні ад 3 да 5 млн барэляў нафты, якая затым распаўсюджвалася і забруджвала астатнюю частку сеткі. У пачатку траўня быў выдадзены ордэр на ягоны арышт за крадзеж, махлярства, забруджванне нафты і арганізаваную злачыннасць", - піша газета.

"Я не хаваюся, - кажа Трушаў, яго сківіцы сціснутыя, а погляд напружаны. - Калі следчыя захочуць, то яны могуць патэлефанаваць мне і задаць мне свае пытанні". Некаторыя журналісты зрабілі гэта: з бізнэс газеты "Коммерсант", апазіцыйнага сайта "Медуза" і нямецкай газеты NZZ, якая захапілася гісторыяй пра саракагадовага бізнэсоўцу, абвінавачанага Крамлём ва ўдзеле ў адным з найбуйнейшых забруджванняў у гісторыі нафтавай прамысловасці", - паведамляе аўтар артыкула.

У Жэневе ягоны адвакат дапускае, што яму спатрэбіцца падрыхтоўка абароны для магчымага запыту аб экстрадыцыі з боку расейскага правасуддзя: "Мой кліент не мае ніякага дачынення да гэтага забруджвання, - заяўляе Сяргей Лакуцін, які сядзіць побач з ім у рэстарацыі. - Мы цалкам упэўненыя ў швайцарскім правасуддзі, калі пачнецца працэдура прававой дапамогі, але сёння пра гэта гаворка не ідзе".

"Добрай навіной стаў арышт прынамсі чатырох інжынераў, тэхнікаў і іншых кантралёраў якасці "Транснафты". На думку Рамана Трушава і ягоных адвакатаў, гэта прыкмета таго, што следства ідзе ў іншым кірунку", - гаворыцца ў публікацыі.

"З ягоных слоў, такім кірункам з'яўляецца карупцыя, якая раскідае дзяржаўную кампанію "Транснафта", - піша газета.

"У выніку крадзяжу нафты страты могуць быць кампенсаваныя за кошт увядзення ў сістэму розных прадуктаў, уключаючы хлорарганіку", - паведамляе журналіст. "Гэта Мікалай Токараў (генеральны дырэктар "Транснафты") павінен быць пасаджаны ў турму", - мяркуе Трушаў.

"У сектары міжнароднага гандлю мяркуюць, што адбылася хутчэй памылка, чым наўмысныя дыверсійныя дзеянні супраць гэтай сеткі даўжынёй 5500 кіламетраў, якая налічвае блізу 150 тэрміналаў, якія кіруюцца як прыватнымі кампаніямі, так і дзяржаўнымі групамі, такімі як "Раснафта", - піша журналіст. "З эканамічнага пункту гледжання, такое злачынства нікому не выгаднае, - пацвярджае французскі кансультант у біржавым гандлі. - Калі Расея не зможа вывозіць свой газ і нафту, то яе больш не будзе".

"У Рамана Трушава ёсць алібі нават мацнейшае, чым невялікая сума і магутнасць яго нафтаперапрацоўчага завода. Яго самарская кампанія "Петранафта" была ў яго скрадзеная. (...) Ён кажа, што стаў ахвярай спробы вымагальніцтва з боку чалавека, блізкага да "Абсалют Банку", які даў яму ягоны крэдыт. З ягонага сцвярджэння, крэдытны кран для яго быў закрыты. Банк ініцыяваў на заводзе працэдуру банкруцтва", - адзначае аўтар артыкула.

Фінансавыя пагадненні і ўгоды куплі-продажу, з якімі змагла азнаёміцца газета Le Temps, даволі складаныя, але раман Трушаў сцвярджае, што яны былі навязаныя тымі, хто пазбавіў яго нафтаперапрацоўчага завода "Петранафта" - кампанія, якая валодае нафтаперапрацоўчым заводам, была прададзеная ў снежні 2018 года тром кампаніям, якія належаць "Абсалют Банку": "Спецрэсурс-сэрвіс", "Даматрыя" і "Развіццё. Інвестыцыя. Дэвэлапмент".

Тэрмінал "Самаратранснафта" быў прададзены ў чэрвені 2018 года за 10 млн даляраў у чэрвені 2018 года былому генеральнаму дырэктару завода Раману Ружачку. Разам са сваім намеснікам дырэктара ён з'яўляецца адным з чатырох чалавек, ужо арыштаваных расейскімі ўладамі. "Я больш не ўладальнік гэтых інфраструктур, - кажа Раман Трушаў. - У звычайныя часы мяне маглі б выклікаць максімум у якасці сведкі".

На думку зрынутага бізнэсоўцы, гэтая "гісторыя" адлюстроўвае сітуацыю у Расеі. У сваіх няўдачах ён бачыць кампанію нацыяналізацыі пакінутай часткі нафтавай інфраструктуры, усё яшчэ знаходзіцца ў прыватных руках. "Рэальнасць гэтай краіны ў тым, што вы не маеце права займацца бізнэсам. Альбо вы ўваходзіце ў дзяржаўны апарат, альбо пачынаеце з нуля. Але рана ці позна набліжаныя да ўлады прыйдуць і захопяць вашу кампанію. Гэта маленькая каста з 150 чалавек".

"Падчас інтэрв'ю, якое доўжылася амаль дзве гадзіны, тэлефон Рамана Трушава, які ляжаў на стале Жэнеўскай рэстарацыі, не выдаў ні гуку. Ім не цікавіліся ні следчыя, ні журналісты: як быццам у Расеі яны ўжо пераключыліся на нешта іншае. У чацвер "Транснафта" пацвердзіла тое, што забруджаная нафта зноў працягвае рухацца па нафтаправодзе ў кірунку да Польшчы", - рэзюмуе журналіст.