Анамальная спёка з ЕЗ дойдзе да Беларусі

Чаго чакаць?

У Еўропе цяпер анамальная спякота. Прычына - шторм у Паўночнай Атлантыцы і магутны антыцыклон, які асталяваўся ў Цэнтральнай Еўропе. У выніку на кантынент засмоктвае плынь распаленага паветра з Сахары. Высвятляецца, гэтая спякота дойдзе і да Беларусі, але прабудзе ў нас усяго два дні, піша tut.by.

У Белгідрамеце кажуць, што анамальная еўрапейская спякота дагоніць і Беларусь, праўда ненадоўга - усяго на два дні і не з такімі высокімі тэмпературамі. І гэта нягледзячы на тое, што найбліжэйшыя дні ў нас чакаецца даволі халаднаватае надвор'е.

- А вось у нядзелю, 30 чэрвеня, да нас пачнуць паступаць паветраныя масы з паўднёвага захаду Еўропы. Менавіта з тых раёнаў, дзе цяпер вельмі высокія тэмпературы - вышэй за +35°C, а дзесьці нават +39... 40°С. Мы такіх высокіх тэмператур у Беларусі пакуль не прагназуем. У нас чакаецца тэмпература +30°C і крыху вышэй. У асноўным у нядзелю па краіне будзе +20... 27°С, у заходніх раёнах - гэта Берасцейкая і Гарадзенская вобласці +28... 32°С градусы, - кажа Аляксандр Бяганскі, начальнік службы метэаралагічных прагнозаў Белгідрамета Мінпрыроды.

Самы гарачы дзень сіноптыкі прагназуюць на 1 ліпеня. У гэты дзень тэмпература па краіне будзе ад +27°С на паўночным усходзе да +34°С на паўднёвым захадзе. Гэта значыць самыя высокія тэмпературы будуць у Берасцейскай вобласці. Спякота будзе даслоўна два дні, а ужо 2 ліпеня пачне спадаць. У пачатку ліпеня тэмпература будзе +20... +27°C.