Аляксей Навальны выйшаў на волю

Расейскі палітык быў арыштаваны за акцыю ў падтрымку журналіста Івана Галунова.

Расейскі апазіцыйны палітык Аляксей Навальны выйшаў на волю пасля дзесяці дзён адміністрацыйнага арышту, паведамляе currenttime.tv.

Пасля выхаду з спецпрыёмніка Навальны заявіў, што ягонае затрыманне, як і ўсіх іншых удзельнікаў акцыі 12 чэрвеня, неправамернае. Ён дадаў, што мае намер прыступіць да дапамогі незалежным кандыдатам, якія перажываюць ціск пры рэгістрацыі на выбары ў Масгардуму.

Харашэўскм суд Масквы 1 ліпеня арыштаваў на 10 дзён апазіцыянера Аляксея Навальнага за ўдзел у няўзгодненым шэсці ў падтрымку журналіста-даследчык Івана Галунова 12 чэрвеня.

На яго склалі пратакол паводле артыкула аб паўторным парушэнні правілаў правядзення мітынгаў, бо марш не быў узгоднены з уладамі. Падчас судовага паседжання па прызначэнні яму арышту зачытваўся паліцэйскі пратакол, паводле якога палітык разам з іншымі ўдзельнікамі маршу нібыта "фактычна перакрыў" Чыстапрудны бульвар і ствараў перашкоды ў працы метро.

У цэнтры Масквы 12 чэрвеня прайшоў марш, які першапачаткова планавалі правесці ў падтрымку карэспандэнта "Медузы" Івана Галунова. Аднак ён перарос у шэсце супраць фабрыкацыі сілавікамі крымінальных спраў. Улады Масквы не ўзгаднілі марш, і паліцыя праз гадзіну пасля пачатку шэсця перацяла некалькі вуліц, дзе павінна было праходзіць шэсце, і пачала затрыманні. Усяго, са звестак "АУС-Інфа", у Маскве былі затрыманыя 549 чалавек.

Журналіста-даследчык Івана Галунова затрымалі 6 чэрвеня ў Маскве, абвінаваціўшы ў распаўсюдзе наркотыкаў. Пазней яго адправілі пад хатні арышт, заявіўшы, што ў яго заплечніку і ў кватэры знайшлі наркатычныя рэчывы. Пасля хвалі пратэстаў журналіста вызвалілі ад адказнасці ў сувязі з недаказанасцю ягонай віны, а справа ў дачыненні да яго закрылі.