Беларусам для ведання: Як будуць працаваць крамы Польшчы ў ліпені, жніўні і верасні

Крамы ўжо працуюць толькі адну нядзелю на месяц.

21 ліпеня – непрацоўная нядзеля, усе крамы будуць зачыненыя. Набыць нешта атрымаецца толькі ў нядзелю 28 ліпеня, паведамляе «Брэсцкая газета».

Нельга будзе наведаць крамы таксама 4, 11 і 18 жніўня. Акрамя таго, 15 жніўня ў Польшчы таксама будуць зачыненыя ўсе крамы, бо ў краіне будуць святкаваць Дзень Ушэсця Дзевы Марыі і Свята Войска Польскага. Па набыткі можна будзе скіравацца толькі ў нядзелю 25 жніўня.

У верасні чакаецца яшчэ больш негандлёвых выходных. Крамы будуць зачыненыя 1, 8, 15 і 22 верасня. Здзейсніць набыткі можна будзе толькі ў нядзелю 29 верасня.

Нагадваем, што забарона на гандаль уводзіцца паступова. У 2018 годзе працоўнымі заставаліся дзве нядзелі на месяц – першая і апошняя. З 1 студзеня 2019 года працоўнай будзе толькі адна нядзеля штомесяц. З 2020 года забарона закране ўсе нядзелі, за выключэннем сямі штогод.

Забарона на гандаль у нядзелі не распаўсюджваецца на пякарні, кандытарскія, аўтазапраўкі, кветкавыя крамы, сувенірныя крамы, шапікі, у тым ліку на пошты, у аэрапорты і на вакзалы, а таксама на крамы, дзе ў выходны за прылаўкам будуць знаходзіцца іхнія ўладальнікі.