Аляксандр Няўзораў: Якая багатая палітра расейскай хлусні

Усё роўна, што гэта: Данбас, «Курск», «Лашарык» або МН17.

- Гісторыя малазійскага «Боінга» падарыла нам магчымасць пераканацца ў тым, наколькі каласальная, якая багатая палітра расейскай хлусні на любую тэму, - разважае вядомы расейскі публіцыст Аляксандр Няўзораў на «Эхе Москвы». - Гэта значыць, мы бачылі хлусню ва ўсіх яе праявах. Тут адбіўся, імаверна, такі магутны трэнажор хлусні як расейская літаратура. І пацверджаную інфармацыю ўсе заўсёды адмаўляюць да канца. Усё роўна, што гэта - Чарнобыль, той стары карэйскі «Боінг» 83-га года, распачынанне данбаскай бойні, усялякія «Курскі», «Лашарыкі», - мы, дзякуючы гэтай гісторыі з малазійскім «Боінгам», маем магчымасць сузіраць усю палітру дзяржаўнай хлусні.

Але трэба сказаць, што дзяржаўны апарат дамогся свайго. Ён зрабіў тое, што хацеў. Самым галоўным было - цягнуць час.

І ў Крамлі, высвятляецца, увогуле, не толькі дурні. Я ўсю гэтую гісторыю назіраў са схаванай злараднасцю і, я б сказаў з некаторым задавальненнем. Трэба сказаць, спрацавалі яна нядрэнна. Чаму я гэта кажу?

Таму што ў свой час на просьбу Віктара Сцяпанавіча Чарнамырдзіна я напісаў метадычку пра тое, як адводзіць людзей ад складаных праблемных навін, як з гэтымі навінамі і з іх дзеяннем змагацца. І вось я бачу, што гэта метадычка выкананая. Я вам магу распавесці. Гэта цікава.

Задача вельмі простая. Зразумела, што праўда ўсё роўна рана ці позна адкрыецца. І тэхналогія змякчэння гэтай праўды заключаецца ў тым, што перш тэма губляе медыйны градус, яна перастае быць інфармацыйным таварам нумар адзін. Вядома, колькасць нябожчыкаў трымае навіну на паверхні, таму што 298 нябожчыкаў, яны валодаюць вельмі вялікай жыватворнай сілай для навіны, прыкладна ў 298 разоў большай, чым «Крот» Алібасава або святасць Началавай.

Але і гэтая вастрыня праходзіць. Потым яна пачынае наогул дэвальвавацца. І пачынаецца перыяд стомленасці ад тэмы. Звычайна гэта 3-ці, 5-ты 6-ты месяц - сур'ёзная стомленасць, «надакучлівасць» гэтай тэмы. І вось, калі ўзнікае стомленасць ад гэтай тэмы, вельмі важна зноў насыціць інфармацыйны рынак інфармацыяй, паўторам і сталымі спасылкамі, каб гэтая тэма наогул набіла аскому.

І, дарэчы кажучы, калі вы паглядзіце на гэтую гісторыю з малазійскім «Боінгам», менавіта па нотах так усё і адбывалася.