Еўра падаражэў на таргах у Менску

На Беларускай валютна-фондавай біржы сёння прайшлі чарговыя таргі валютамі.

Еўра і расейскі рубель на таргах 18 ліпеня падаражэлі, даляр патаннеў. Такая інфармацыя размешчаная на сайце Беларускай валютна-фондавай біржы.

Даляр сёння патаннеў на Br0,004 да Br2,0301 за $1 (на таргах 17 ліпеня - Br2,0341 за $1).

Еўра падаражэў на Br0,0024 і склаў Br2,2811 за 1 еўра (17 ліпеня - Br2,2787 за 1 еўра).

Курс расейскага рубля павысіўся на 0,0007 да Br3,2318 за 100 расейскіх рублёў (17 ліпеня - Br3,2311).