26 жнiўня 2019, панядзелак, 4:40
Мы ў адной лодцы
Рубрыкі

Замест тэхагляду: што можна зрабіць у аўто за грошы, зэканомленыя на дарожным падатку

24
Замест тэхагляду: што можна зрабіць у аўто за грошы, зэканомленыя на дарожным падатку

Беларусы прадаўжаюць байкатаваць тэхагляд.

Тэхагляд у Беларусі не праходзіць амаль кожны трэці аўтамабіліст. Часцей за ўсё з прычыны нежадання плаціць «транспартны падатак», і гэты факт прызнаюць на афіцыйным узроўні. Многія мяркуюць, што грошы, якія трэба плаціць пры праходжанні ТА, лепш выдаткаваць на рамонт і абслугоўванне свайго аўтамабіля, піша abw.by.

Пакуль змены ў закон не прынятыя, а грамадзяне прадаўжаюць сабатаваць праходжанне тэхагляду, паглядзім, што можна зрабіць у аўто за грошы, зэканомленыя на дарожным падатку.

Прыблізна ў паловы аўтаўладальнікаў, апытаных у групе abw.by «Вконтакте», маса аўто складае ад 1,5 да 2 тон. Падатак на іх - 6 базавых адзінак, або 153 рублі, для аўто, старэйшых за 10 гадоў. Калі аўтамабіль маладзейшы, сумы трэба памнажаць на два. Да гэтага трэба дадаць плату за саму працэдуру праходжання, а гэта яшчэ блізу 25 рублёў.

Атрымліваем блізу 330 руб для аўто, маладзейшых за 10 гадоў, і блізу 180 руб для машын, старэйшых за 10 гадоў.

Паглядзім, што могуць зрабіць ці набыць для свайго аўтамабіля такія аўтаўладальнікі.

Месячны запас паліва

На 180 руб можна заправіць 115 літраў 92-га бензіну або 108 літраў дызельнага паліва. Дарэчы, прыблізна такую суму на паліва штомесяц выдаткоўвае кожны пяты наш падпісчык.

За гэтыя грошы можна зрабіць хімчыстку салона або папаліраваць кузаў, а на рэшту, калі яна будзе, можна заправіцца.

Новыя шыны

У 180 руб можна ўкласціся пры куплі пары новых колаў недарагіх брэндаў памерам 195/65 R15. Уладальнікі аўто, маладзейшых за 10 гадоў і зусім на зэканомленыя грошы змогуць купіць поўны камплект покрывак.

Калі ваш аўтамабіль моцна пашкоджаны карозіяй, названай сумы павінна выстарчыць на куплю камплекту арак і парогаў беларускай вытворчасці.

Правесці ТА

У большасці выпадкаў 180 руб дастаткова, каб памяняць у аўтамабілі аліву ў маторы і скрынцы, ГУР і замяніць усе фільтры.

Таксама за гэтыя грошы можна некалькі разоў заправіць кандыцыянер.

Другія ў папулярнасці - аўто масай ад 2 да 2,5 тоны. Такіх ва ўдзельнікаў нашага апытання крыху больш за 36%. Каб на іх прайсці тэхагляд, трэба заплаціць 8 базавых, або 204 руб для аўто, старэйшых за 10 гадоў. З аплатай паслуг станцыі атрымаем блізу 230 рублёў.

Для тых, у каго аўтамабіль маладзейшы, сума вырасце прыблізна да 430 руб, а гэта ўжо 146 літраў 92-га бензіну або 138 літраў дызпаліва!

Паклапаціцца аб кузаве

230 руб можна выдаткаваць на антыкаразійную апрацоўку або афарбоўку аднаго або некалькіх элементаў.

Ці таксама купіць дзве покрыўкі, але з больш дарагога коштавага сегмента. Тым, у каго аўтамабіль не дасягнуў 10-гадовага ўзросту, адпаведна выстарчыць на цэлы камплект шын.

Калі не набываць запчасткі дарагіх брэндаў і абслугоўваць аўто самастойна, 230 руб павінна выстарчыць на замену тармазных дыскаў і калодак.

Абслужыць аўтамабіль

Уладальнікі «дзвюхтоннікаў», маладзейшых за 10 гадоў, у большасці выпадкаў на зэканомленыя 430 руб змогуць не толькі замяніць аліву і фільтры, але і памяняць камплект ГРМ. Не выключана, што і на запраўку кандыцыянера застанецца.

Высновы

Доля праўды ў тым, што грошы, зэканомленыя на праходжанні тэхагляду, лепш укласці не ў так званы «падатак на паветра», а ў абслугоўванне і рамонт свайго «жалезнага каня», ёсць. І чым цяжэйшы ваш аўтамабіль, тым больш вы зможаце выдаткаваць сродкаў на яго абслугоўванне. Што лепш паўплывае на бяспеку - своечасова адрамантаванае і дагледжанае аўто ці штамп у сертыфікаце, пытанне рытарычнае.