Расейская пенсіянерка папрасіла Трампа прыструніць расейскіх чыноўнікаў
4- 21.07.2019, 16:16
- 9,891
Надзея Пазнякова ўпэўненая, што менавіта прэзідэнт ЗША можа паўплываць на чыноўнікаў з РФ.
У РФ у горадзе Пугачоў Саратаўскай вобласці ў суботу прайшоў мітынг супраць будаўніцтва завода для спальвання адкідаў першага і другога класаў, якія мяркуюцца найбольш небяспечнымі. Больш за дзвесце мітынгоўцаў запатрабавалі скасавання планаў будаўніцтва, якое павінна пачацца налета ў пасёлка Горны, паведамляе «Радио Свобода».
Суботні мітынг – не першая падобная акцыя, раней сваё абурэнне выказалі жыхары Саратава і Балакова.
На мітынгу выступіла пенсіянерка Надзея Пазнякова, якая прыехала з суседняга раённага цэнтра Балакова і якая папрасіла прэзідэнта ЗША Дональда Трампа паўплываць на расейскіх чыноўнікаў, якія маюць расейскае грамадзянства. Паводле ейных словаў, яны "лётаюць у Расею на заробкі". Пенсіянерка-актывістка мяркуе, што менавіта Трамп зможа растлумачыць расейскім чыноўнікам і дэпутатам, што не трэба будаваць небяспечныя аб'екты паблізу Волгі.
Мітынг быў узгоднены з мясцовымі ўладамі, паліцыя не перашкаджала яго правядзенню.