18 жнiўня 2019, Нядзеля, 2:59
Мы ў адной лодцы
Рубрыкі

У Гаазе разглядаюць пазоў расейскай кампаніі да Беларусі

5
У Гаазе разглядаюць пазоў расейскай кампаніі да Беларусі

Прэтэнзій стала менш?

29 ліпеня – 1 жніўня ў Гаазе ў сталай палаце трацейскага суда (Permanent Court of Arbitration) прайшлі слуханні паводле справы расейскай кампаніі «Маноліум працэсінг» супраць Рэспублікі Беларусь. Пастанова паводле справы можа быць прынятая праз 7-8 месяцаў. Пра гэта tut.by апавялі інфармаваныя крыніцы.

Нагадаем, «Маноліум працэсінг» пабудавала ў Менску тралейбуснае дэпо, але не атрымала за яго кампенсацыю. Як меркавалі беларускія ўлады, з прычыны зрыву рэалізацыі інвестдамовы пра ўзвядзенне ў цэнтры Менска шматфункцыянальнага комплексу. 15 лістапада 2017 года «Маноліум працэсінг» апавясціла ўлады Беларусі пра арбітраж, і з гэтага моманту пачаўся арбітражны разгляд паміж расейскім інвестарам і Рэспублікай Беларусь. Сума пазову на той момант складала блізу 200 млн даляраў.

«Цяпер прэтэнзій стала менш. Блізу 150 млн даляраў. З іх больш за 30 млн – гэта само дэпо. Плюс адсоткі за карыстанне сродкамі, выпушчаная выгада і гэтак далей», – сказала крыніца, знаёмая з адным з бакоў справы. Іншы суразмоўца не пацвердзіў і не аспрэчыў гэтую інфармацыю, толькі сказаў, што «кожны бок выказаў свае аргументы і суд пастановіць, хто мае рацыю, а хто вінаваты». «Але якім бы ні была пастанова суда, кропка ў гэтай гісторыі, хутчэй за ўсё, не будзе пастаўленая. Перамога Менска развяжа [Беларусі] ўсе рукі. Калі суд стане на бок расейцаў, то Менск прад'явіць ім іншыя прэтэнзіі», – сказала крыніца.

Варта адзначыць, што Беларусь скарысталася дамовамі аб прававой дапамозе з Расеяй, што прывяло да выкліку кіраўнікоў «Маноліум працэсінг» Андрэя Далгова і Арама Екавяна ў МУС РФ на апытанне. На пытанні праваахоўнікаў наконт прычынаў нявыплаты падатку на нерухомасць у Беларусі ў 2013–2016 гадах бізнэсмэны растлумачылі, што меркавалі карыстанне зямельнымі надзеламі ў Менску, вылучанымі ў часовае карыстанне ў рамках інвестдамовы, правамерным. Абарона «Маноліум працэсінг» звярнулася з хадайніцтвам да арбітраў аб тым, што Беларусь не павінна прадпрымаць ніякіх дзеянняў паводле крымінальнаму кірунку да заканчэння арбітражу. Арбітры далі ўказанне бакам не прадпрымаць ніякіх дзеянняў, якія маглі б парушыць «цэласнасць» арбітражнага працэсу.

У юрыдычнай кампаніі Baker & McKenzie, якая прадстаўляе інтарэсы «Маноліум працэсінг», адмовіліся ад каментароў. Tut.by накіраваў запыт у юрыдычную фірму White & Case, якая адстойвае інтарэсы Беларусі.