«Радыяцыя перавышаная ў 20 разоў»: новыя дэталі ядзернага НЗ у Расеі
25- 12.08.2019, 8:03
- 43,642
Лічбы незалежных экспэртаў сур'ёзна адрозніваюцца ад інфармацыі ў заявах расейскіх уладаў.
Выбух на вайсковым палігоне ў Архангельскай вобласці ў Расеі адбыўся падчас выпрабавання ракеты на марской платформе, піша obozrevatel.com.
Як паведамляе "Інтэрфакс", пасля заканчэння выпрабаванняў здарылася ўзгаранне паліва ракеты з наступнай дэтанацыяй.
У дзяржаўнай карпарацыі "Расатам" адзначылі, што ў выніку выбуху целы людзей адкінула ў мора. Пошукі пацярпелых працягваліся да таго часу, пакуль заставалася надзея знайсці тых, хто выжыў.
Адзначым, што канкрэтныя прычыны выбуху пакуль не названыя. Сярод магчымых прычын называюць няўдалае выпрабаванне крылатай ракеты з ядзернай устаноўкай. У выніку чаго ў рэгіёне мог павялічыцца ўзровень радыяцыі.
З паведамлення міжнароднай прыродаахоўных арганізацыі Greenpeace радыяцыя была перавышаная ў 20 разоў. Аднак са звестак Адзінай дзяржаўнай аўтаматызаванай сістэмы маніторынгу радыяцыйнай абстаноўкі РФ, радыяцыйная сітуацыя ў Северадзвінску знаходзіцца ў межах нормы.
Нагадаем, што ў "Расатаме" паведамілі, што выбух на вайсковым палігоне ў Архангельскай вобласці адбыўся праз збег акалічнасцяў. НЗ адбылося падчас выпрабавання ракеты на марской платформе.
У гарадах Архангельск і Северадзвінск праз пагрозу радыяцыі ў аптэках пачалі масава скупляць ёд.