З'явілася відэа аварыйнай пасадкі пасажырскага самалёта ў Падмаскоўі
- 15.08.2019, 12:14
- 30,242
Самалёт даслоўна «ўзараў» кукурузнае поле.
У сацыяльных сетках з'явіліся відэазапісы з месца жорсткай пасадкі самалёта Airbus A321, які ляцеў з падмаскоўнага Жукоўскага ў Сімферопаль. На іх відаць, што самалёт ляжыць на бруху ў полі, паведамляе РБК.
На відэазапісе, які выклаў адзін з пасажыраў самалёта, відаць, што самалёт «Уральскіх авіяліній» ляжыць на траве. Побач з ім знаходзяцца людзі, якім удалося выбрацца з салона.
На другі запісе знятае месца здарэння ўжо пасля эвакуацыі. Дзясяткі людзей знаходзяцца ля самалёта на траве, шукаючы свае рэчы. Каля адчыненых дзвярэй лайнера ляжаць разгорнутыя выратавальныя трапы.
Первые секунды после pic.twitter.com/MaX1lcbz0f
— романтика окраин (@artemiyplk) August 15, 2019
На здымках відаць, што крыло лайнера пашкоджанае.
Партал Baza таксама апублікаваў у Twitter відэа з месца жорсткай аварыйнай пасадкі самалёта Airbus А321 у кукурузным полі ў Падмаскоўі. Кадры знятыя з квадракоптэра.
Кукурузное поле, вспаханная борозда и самолёт.
— baza (@bazabazon) August 15, 2019
Панорамное видео с коптера. pic.twitter.com/pt7GYk5rpS
Паводле папярэдняй інфармацыі, на борце А321 знаходзіліся 226 пасажыраў і сем чальцоў экіпажу. Усе жывыя.
Паводле апошняй інфармацыі, пасля вылету з Жукоўскага экіпаж паведаміў аб праблемах з рухавікамі, якія з'явіліся праз сутыкненне з чарадой чаек. Пасля гэтага была прынятая пастанова пасадзіць самалёт у полі.