У Зяленскага хочуць ратыфікаваць Рымскі статут

Што гэта значыць?

Намеснік кіраўніка офіса прэзідэнта Украіны і кандыдат на пасаду генпракурора Руслан Рабашапка заявіў пра магчымую ратыфікацыі Рымскага статута Міжнароднага крымінальнага суда. Пра гэта ён напісаў у Facebook.

«Адзін з прыярытэтаў - нарэшце ратыфікаваць Рымскі статут Міжнароднага крымінальнага суда, падпісаны амаль 20 гадоў таму», паведаміў Рабашапка.

Сёння ён правёў нараду, на якой абмяркоўвалася распрацоўка прававых асноў вяртання акупаванай часткі Данецкай і Луганскай абласцей і Крыма. Пасля нарады Рабашапка паведаміў, што будзе падрыхтаваная канцэпцыя пераходнага правасуддзя, імплементаваныя нормы і прынцыпы міжнароднага гуманітарнага і крымінальнага права.

Рабашапка таксама адзначыў, што да 2020 года павінен быць напрацаваны першы пакет ініцыятыў прэзідэнта Украіны аб рэінтэграцыі Данбаса.