«Омск Карбон Магілёў» спалохаўся актывістаў

Магчыма, скандальнае прадпрыемства правераць.

ЗТАА «Омск Карбон Магілёў» накіравала скаргу ў Генеральную пракуратуру на дзеянні экалагічных актывістаў, паведамляецца на сайце «Омск Карбон груп», піша mogilev.online.

У звароце згадваецца, што экалагічныя актывісты ставяць пад сумнеў законнасць працы завода, спасылаючыся на «неадпаведную рэчаіснасці» інфармацыю. У якасці прыкладу прыводзіцца аргумент аб тым, што на прадпрыемстве выкарыстоўваецца састарэлае, былое ва ўжыванні абсталяванне. «Омск Карбон Магілёў» сцвярджае, што ў кантрактах на пастаўкі адным з патрабаванняў было прапісана, што абсталяванне павінна быць новым.

У выніку «Омск Карбон Магілёў» просіць Генпракуратуру праверыць прадпрыемства.

Завод «Омск Карбон Магілёў» у вытворчасці тэхнічнага вугляроду будуюць у СЭЗ у Магілёўскім раёне побач з абласным цэнтрам. Супраць яго будаўніцтва ўжо спрабавалі правесці пікеты.