Польшча падпісала рэкордны па аб'ёме кантракт на пастаўкі звадкаванага газу

Польскі канцэрн PGNiG абавязаўся паставіць прамысловаму канцэрну Synthos 8,2 тысячы тон сыравіны.

«Польская нафтагазавая кампанія» (PGNiG) падпісала рэкордны па аб'ёме кантракт на пастаўкі звадкаванага газу. Да канца 2021 гэты польскі канцэрн абавязаўся паставіць прамысловаму канцэрну Synthos прыкладна 8,2 тысяч тон сыравіны, паведамляе «Польскае радыё».

Прэзідэнт канцэрна Synthos Збігнеў Вармуз падкрэсліў, што вырашальным у выбары пастаўшчыка газу стаў, перш за ўсё, фінансавы фактар.

«Мы падпісалі гэты кантракт, таму што прапанова PGNiG была найбольш выгаднай. Гэта па-першае. Па-другое, мы ўжо шмат гадоў паспяхова супрацоўнічаем з PGNiG, праўда ў значна меншым аб'ёме ў Польшчы, у рамках работы нашай чэшскай фабрыкі. І па-трэцяе, мы вельмі любім падпісваць такія кантракты з кампаніямі з польскім капіталам», - сказаў Збігнеў Вармуз.

Прамысловы канцэрн Synthos вырабляе сінтэтычны каўчук, які выкарыстоўваецца ў вытворчасці накрывак, сродкі для абароны раслін, а таксама паўфабрыкаты, неабходныя для вырабу пенапласту. Акрамя Польшчы, кампанія Synthos валодае заводамі ў Чэхіі, Галандыі і Францыі.