19 верасня 2019, Чацвер, 14:39
Мы ў адной лодцы
Рубрыкі

У Гомелі вынеслі прысуд былому міліцыянту АБЭЗ

13
У Гомелі вынеслі прысуд былому міліцыянту АБЭЗ

Багдана Масціча судзілі за хуліганства, перавышэнне ўлады, бяздзейнасць і знішчэнне дакументаў.

10 верасня суд Цэнтральнага раёна Гомеля вынес прысуд былому супрацоўніку АБЭЗ. Экс-міліцыянта судзілі за хуліганства, перавышэнне ўлады, бяздзейнасць і знішчэнне дакументаў, піша tut.by.

Прысуд абвінавачанаму вынеслі ў дзень ягонага нараджэння. Масціча прысудзілі да чатырох з паловай гадоў пазбаўлення волі ў калоніі агульнага рэжыму - як і прасіў пракурор.

Прысуд законную моц не набыў.

Крымінальныя справы ў дачыненні да былога супрацоўніка аддзела ў барацьбе з эканамічнымі злачынствамі Цэнтральнага РАУС Багдана Масціча былі распачатыя ў снежні 2018 года і лютым 2019-га, дагэтуль супрацоўнік звольніўся з органаў.

Хуліганства, паводле версіі следства, палягала ў тым, што міліцыянт палаяўся з таксістам і ўдарыў яго. Бяздзейнасць службовай асобы ставіцца яму за тое, што ён не прыняў пастанову ў праверцы, дакументы якой захоўваў дома. Яшчэ адзін эпізод абвінавачвання: міліцыянт падчас ператрусу ў дырэктара прыватнай фірмы скраў дакумент, за вяртанне якога пасля прасіў ўзнагароджанне.

Сам былы міліцыянт цалкам адмаўляе віну. Ён заявіў у спрэчках, што крымінальныя справы ў дачыненні да яго былі распачатыя без падстаў, з парушэннем закона.

У сваім апошнім слове Багдан Масціч заклікаў суд ва ўсім разабрацца і не верыць «здагадкам следства». Ён адзначыў, што ніводзін эпізод. Які інкрымінуецца яму, не даведзены.