Заўтра ў Беларусі рэзка пахаладае
- 13.09.2019, 21:24
- 9,898
Месцамі пройдуць кароткачасовыя дажджы.
У суботу, 14 верасня, у краіне чакаецца пераменная воблачнасць, паведамляе Белгідраметэацэнтр.
Месцамі (удзень пераважна на паўночнай частцы краіны) пройдуць кароткачасовыя дажджы. Удзень у асобных раёнах Віцебскай вобласці магчымыя навальніцы. Вецер будзе паўночна-заходні, паўночна-заходні парывісты, удзень у асобных раёнах моцны парывісты.
Уначы прагназуецца 8-14 са знакам плюс, удзень будзе 14-20 цяпла.
15 верасня ўначы ападкаў не чакаецца, раніцай і ўдзень пераважна на поўначы Беларусі пройдуць кароткачасовыя дажджы. Вецер будзе паўночна-заходні, паўднёва-заходні ўмераны, удзень месцамі моцны парывісты.
Уначы тэрмометры пакажуць 3-9 вышэй за нуль, удзень прагназуецца ад +10 па поўначы краіны да +22 па паўднёвым захадзе.