Прэм'ер-міністр Украіны падаў у адстаўку
18- 17.01.2020, 10:42
- 32,224
(Абноўлена) Аляксей Ганчарук напісаў заяву пра звальненне.
Прэм'ер-міністр Украіны Аляксей Ганчарук напісаў заяву пра адстаўку.
Пра гэта паведамляе "Украінская праўда" са спасылкай на ягоны "Фэйсбук":
"Я прыйшоў на пасаду – выконваць праграму прэзідэнта. Ён для мяне з'яўляецца ўзорам адкрытасці і прыстойнасці. Аднак каб забраць любыя сумневы нашай павагі і даверу да прэзідэнта, я напісаў заяву пра адстаўку і перадаў яе прэзідэнту з правам унясення ў парламент.
Ён – чалавек, якому ўкраінцы выказалі беспрэцэдэнтны давер. І ён мае поўнае права ацэньваць эфектыўнасць кожнага чальца сваёй каманды, якая мяняе краіну".
Офіс прэзідэнт Украіны заявіў, што атрымаў пададзенае прэм'ер-міністрам Аляксеем Ганчаруком прашэнне пра адстаўку. Кіраўнік дзяржавы разгледзіць названую заяву. Пра вынікі разгляду Офіс прэзідэнта паведаміць асобна.
Нагадаем, 15 студзеня ўкраінскія СМІ апублікавалі аўдыязапіс "праслушкі" прэм'ер-міністра Украіны Аляксея Ганчарука. На аўдыязапісе Ганчарук называе сябе "недарэкам у эканоміцы", а ў Зяленскага "прымітыўнае разуменне эканамічных працэсаў".
У "Слузе народа" назвалі аўдыязапіс "злепленай нарэзкай". Сам Ганчарук назваў яго "медыяатакай".