«Мы адзіная каманда»: украінскія міністры падтрымалі Ганчарука
4- 17.01.2020, 12:47
- 12,924
Рэакцыя чальцоў Кабміна Украіны на заяву аб адстаўцы прэм'ер-міністра.
Шэраг чальцоў Кабінета міністраў Украіны публічна выказаўся што да заявы пра адстаўку прэм'ер-міністра Аляксея Ганчарука і падтрымалі яго пазіцыю, паведамляе «Новое время».
Віцэ-прэм'ер-міністр у пытаннях еўрапейскай і еўраатлантычнай інтэграцыі Украіны Дзмітрый Кулеба напісаў у Facebook, што паважае пастанову прэм'ера.
«У складзе каманды я рабіў і цяпер раблю ўсё, каб краіна змянялася да лепшага, атрымлівала яшчэ больш міжнароднай падтрымкі і рухаюся наперад. Гэта было весела і важна. Але жыццё вірлівае. Асабліва палітычнае», - напісаў Кулеба.
Міністарка ў справах ветэранаў часова акупаваных тэрыторый і ўнутрана перамешчаных асоб Украіны Аксана Каляда (Гаўрылюк) адзначыла, што «працаваць у такой камандзе - складана (бо мусіш падвышаць прафесійную планку), але надзвычай хутка (бачыш вынікі)».
«Палітычныя ігрышчы вакол урада ў апошні час расцэньваю, як спробу навязаць камандзе тэхнакратаў нейкую дзіўную палітычную пазіцыю. Гэтага не будзе. Таму падтрымліваю пазіцыю прэм'ера. Чакаем пастановы прэзідэнта», - заявіла Каляда.
Міністарка адукацыі і навукі Ганна Навасад напісала, што ўсе чальцы Кабміна - гэта адна каманда, якая без даверу і ўзаемадзеяння не дасягне вынікаў, таму яна падтрымлівае пастанову прэм'ера.
Міністарка сацыяльнай палітыкі Юлія Сакалоўская напісала, што Кабмін - «адзіная каманда, таму падтрымліваем пазіцыю прэм'ер-міністра і чакаем пастановы прэзідэнта. І працягваем працаваць».
«Мы з'яўляемся адзінай камандай, таму падтрымліваем пазіцыю прэм'ер міністра і чакаем пастановы прэзідэнта. І працягваем працаваць у штатным рэжыме», - напісаў міністр культуры, моладзі і спорту Уладзімір Барадзянскі.
Міністр развіцця эканомікі, гандлю і сельскай гаспадаркі напісаў, што падтрымлівае прэм'ер-міністра. І назваў гэта «пастановай моцнага каманднага чалавека, які давярае прэзідэнту».