Баўгарыя вышле за шпіянаж двух расейскіх дыпламатаў
3- 24.01.2020, 14:48
- 9,047
Пракуратура краіны перадала звесткі аб іх дзейнасці ў МЗС.
Баўгарыя, магчыма, вышле расейскіх дыпламатаў паводле абвінавачвання ў шпіянажы, заявіла міністр замежных спраў Кацярына Захарыева ў пятніцу.
Пра гэта паведамляе «Еўрапейская праўда» са спасылкай на Reuters.
«Мы атрымалі лісты ад пракуратуры з абвінавачваннямі», - сказала Захарыева. «Мы будзем ужываць захады, якія мы абавязаныя ўжыць, і, хутчэй за ўсё, абвесцім іх персонамі нон-грата».
Захарыева сказала, што выкліча расейскага амбасадара.
У пятніцу пракуроры заявілі, што расейцы вялі шпіёнскую дзейнасць, але ім не маглі выставіць абвінавачванні праз дыпламатычную недатыкальнасць.
Спікер Крамля Дзмітрый Пяскоў не стаў каментаваць пытанне пра нібыта выяўленне расейскіх шпіёнаў у Баўгарыі.