Данія ўзначаліла сусветны рэйтынг сацыяльнай мабільнасці

Усю першую пяцёрку занялі краіны Паўночнай Еўропы.

Данія заняла першае месца ў новым Глабальным рэйтынгу сацыяльнай мабільнасці (Global Social Mobility Index) ад Сусветнага эканамічнага форуму. Усю першую пяцёрку занялі краіны Паўночнай Еўропы: следам за Даніяй ідуць Нарвэгія, Фінляндыя, Швэцыя і Ісландыя, піша «Европульс».

Глабальны рэйтынг сацыяльнай мабільнасці ацэньвае, наколькі магчыма людзям з няшчасных сацыяльных слаёў дамагчыся поспеху. Для гэтага выкарыстоўваюцца такія паказчыкі, як даступнасць медыцынскіх паслуг і адукацыі, інструменты сацыяльнай абароны, доступ да новых тэхналогій, раўнапраўе ў заробках і магчымасцях кар'ернага росту.

Грамадзянам Даніі, якія нарадзіліся ў сацыяльна неабароненым пласце, спатрэбіцца два пакаленні, каб дасягнуць сярэдняга ўзроўню даходаў (пры ўмове, што яны будуць выкарыстоўваць магчымасці, якія прадстаўляюцца дзяржавай). У Швэцыі і Фінляндыі сярэдняга ўзроўню даходаў атрымаецца дасягнуць за тры пакаленні. А, напрыклад, у Бразіліі - за 9 пакаленняў.

Еўропа стала рэгіёнам-лідарам што да сацыяльнай мабільнасці: з 20 краін з высокай сацыяльнай мабільнасцю 17 знаходзяцца ў Еўропе, з іх 13 уваходзяць у ЕЗ. У рэйтынгу разглядаліся 82 краіны.

Складальнікі адзначаюць, што краіны, якія ўкладваюць у развіццё сацыяльных ліфтаў, у доўгатэрміновай перспектыве становяцца багацейшымі і больш паспяховымі.