У Ганконгу заявілі пра стварэнне вакцыны супраць каранавіруса
12- 28.01.2020, 20:11
- 28,306
Але ёсць нюанс.
У Ганконгу распрацавалі вакцыну супраць смяротнага каронавіруса 2019-nCoV, паведамляюць «Интерфакс» са спасылкай на італьянскія СМІ.
Як адзначаецца, пачаць яе выкарыстоўваць можна будзе толькі пасля клінічных выпрабаванняў.
Са слоў даследнікаў, тэставанне вакцыны на жывёлах зойме месяцы, а перайсці да выпрабаванняў на людзях можна будзе ў найлепшым выпадку толькі налета, а ўжо затым пачаць яе масавае выкарыстанне.
Распрацоўку вакцын супраць каронавіруса вядуць таксама ў цэнтральнай частцы Кітая і ў ЗША.
Паводле апошніх звестак, у Кітаі зарэгістравана больш за 4,6 тысяч выпадкаў заражэння новым каронавірусам. Памерлі 106 чалавек. Акрамя Кітая, хворыя выяўлены яшчэ ў 14 краінах.