Сіноптыкі: Яшчэ пару дзён будзе холадна, а потым усё зменіцца

Якое будзе надвор'е на працоўным тыдні.

Паводле тэмпературнага рэжыму цяпер надвор'е ў Беларусі на 1-4 градусы ніжэйшае за кліматычную норму. Аднак ужо ў найбліжэйшыя дні сітуацыя пачне мяняцца. Пра гэта паведамляе tut.by са спасылкай на Белгідрамет.

20 кастрычніка чакаецца воблачнае з праясненнямі надвор'е. Пераважна без ападкаў. Месцамі слабы туман. Вецер заходні сярэдні, па паўночна-ўсходняй палове парывісты, у дзённыя гадзіны ў асобных раёнах Віцебскай і Магілёўскай абласцей моцны парывісты. Тэмпература паветра мінімальная ноччу -1... +5ºС, максімальная днём +5... 11ºС.

З серады, 21 кастрычніка, сітуацыя пачне мяняцца. Павялічацца і ўшчыльняцца дажджы. Ноччу ў паўночных, раніцай і днём і ў цэнтральных раёнах краіны пройдуць кароткачасовыя дажджы. Ноччу і раніцай у асобных раёнах туман. Вецер паўднёвы, паўднёва-заходні сярэдні. Тэмпература паветра мінімальная ноччу 0... +7°С, максімальная днём +5... 11°С, па поўдні і захадзе краіны +12... 13°С.

У чацвер халоднае паветра пакіне тэрыторыю краіны. Чакаецца воблачна, днём з праясненнямі. Ноччу і раніцай на большай частцы тэрыторыі краіны, днём месцамі па краіне кароткачасовыя дажджы. Вецер паўднёва-заходні сярэдні, днём парывісты, па поўначы ў асобных раёнах моцны парывісты. Тэмпература паветра ноччу +4... 10ºС, днём +11... 17ºС, па поўдні і захадзе краіны да +18... 19ºС.

23 кастрычніка, у пятніцу, атмасферны ціск падрасце, зменшыцца колькасць аблокаў. Месцамі па краіне пройдуць кароткачасовыя дажджы. Вецер паўднёва-заходні ноччу слабы, удзень парывісты. Тэмпература паветра мінімальная ноччу +5... 11°С, максімальная днём +9... 15°С, па поўдні да +17°С.