Эканоміку краіны нельга давяраць параноіку
6- 21.10.2020, 20:40
- 30,056
Да ўльтыматуму засталося чатыры дні.
Паважаныя рабочыя і ўвесь народ Беларусі! Да вядомых нам з вамі падзей гэтага лета і восені справы ўжо ішлі дрэнна: эканоміка працавала за кошт пастаянных замежных уліванняў, а многія прадпрыемствы - сабе ў страту, піша Telegram-канал «Мая краіна Беларусь».
Доўга гэта працягвацца, у любым выпадку, не змагло б, а цяпер, пасля таго як амаль усе нашы краіны-суседзі, акрамя самі ведаеце каго, прызналі чалавека, што незаконна займае пасаду прэзідэнта, нелегітымным і не будуць мець з ім ніякіх спраў - тым больш.
Сістэма, у якую ўліваюць грошы ўхаластую ці амаль ухаластую (для прыкладу: нават у самай, здавалася б, рэкламаванай вытворчасці - вытворчасці і экспарце збожжа, Беларусь зусім не першая), не забяспечваючы гэтыя ўкладанні прадуктам і прыбыткам, рана ці позна рухне, як фінансавая піраміда.
Таму, у любым выпадку, краіне патрэбныя рэформы з поўным або частковым пераходам да рынкавай эканомікі.
Як сказаў расейскі экспэрт Сяргей Гурыеў, у нас ёсць досвед іншых краін, якія, як тая ж самая Літва, ужо праз гэтыя рэформы праходзілі і чые эканомікі сёння паспяхова растуць, нашмат апярэджваючы «стабільную» Беларусь, што адстае гадоў на 20, а месцамі і на ўсе 70. І гэты досвед нам дапаможа пазбегнуць памылак і значна змякчыць наступствы рэформаў.
Тое, каму вы сёння даверыце эканоміку краіны: параноіку, які трасецца толькі за свой трон і якому на вас глыбока напляваць, і ў якога на месцах адны сракалізы замест пісьменных экспэртаў, ці новаму, пісьменнаму ўраду - цяпер, як ніколі, залежыць толькі ад вас .
Страх за свой трон - усё, што хвалюе Лукашэнку. Ён не прадухіліў крызіс 2011 года і не прадухіліць эканамічную катастрофу, над прорвай якой мы з вамі стаім проста цяпер. Ён замоўчвае гэтыя праблемы так жа, як замоўчвае сапраўдную сітуацыю з каранавірусам.
Святлана Ціханоўская заручылася падтрымкай развітых заходніх краін і абвясціла захопнікам улады, што катуюць і забіваюць свой народ, ультыматум. Ультыматум, які сёння нельга не падтрымаць з усіх пунктаў гледжання, дзеля будучыні ўсіх нас і нашых дзяцей. У нас сапраўды ёсць выбар і ёсць шанец пайсці іншым шляхам і пабудаваць краіну для жыцця, а гнілое балота. Выбраць трэба цяпер.
Да ўльтыматуму засталося чатыры дні.