«Кожны дзень вашай работы каштуе вельмі дорага ўсёй нацыі»

Моцны зварот да працоўных.

Тэлеграм-канал «Баста!» апублікаваў эмацыйны ліст ад свайго чытача.

«Ёсць такая фраза: праца надае высакароднасці чалавеку. І гэта праўда, але, як ні дзіўна, нават тут бываюць выключэнні з правілаў. Сёння насамрэч было так:

- Вы не будзеце атрымліваць добрыя заробкі за сваю працу, бо цяпер вы працуеце!

- Вы не будзеце ездзіць на новенькіх еўрапейскіх аўтамабілях з аўтасалона, як ездзяць працоўныя развітых краін, бо цяпер вы працуеце.

- Вы не будзеце 2 разы на год адпачываць на моры ў Грэцыі ці Гішпаніі ў чатырох і пяцізоркавых гатэлях, як гэта робяць вашы калегі - рабочыя заводаў у Еўропе, бо цяпер вы працуеце.

- Па пятніцах і суботах вы не будзеце з сем'ямі і сябрамі адпачываць у кавярнях і рэстарацыях, як гэта робяць еўрапейскія працоўныя, а вашы жонкі будуць гатаваць вячэру і сямейныя абеды з самых танных прадуктаў, бо цяпер вы працуеце.

- Вы не скажаце жонцы: «Дарагая, не гатуй сёння! Пойдзем у рэстарацыю», бо цяпер вы працуеце.

- Вы не будзеце адпачываць у найлепшых санаторыях Беларусі, а толькі ў тых, куды тур за 50% ад прафзвязу, бо цяпер вы працуеце.

- У вас не будзе зберажэнняў у банку па 100 тысяч еўраў да выхаду на пенсію з улікам паўнавартасна пражытага жыцця без эканоміі, як гэта ў еўрапейскіх рабочых, бо цяпер вы працуеце.

- Вы будзеце радавацца ўсякай прыніжальнай чалавечую годнасць прэміі 50 руб, бо цяпер вы працуеце.

- Вы будзеце хадзіць у крамы і будзеце глядзець не на якасць прадуктаў харчавання, а на іх кошты, якія не дазволяць вам іх набыць, а інфляцыя будзе рабіць іх усё даражэйшымі і даражэйшымі, бо цяпер вы працуеце.

- Вы будзеце хадзіць на працу з апушчанымі галовамі і баяцца размаўляць адкрыта праз тэлефон, бо цяпер вы працуеце.

- Вы не зможаце забяспечыць сваім хворым сваякам і старэйшаму пакаленню годнае лячэнне і догляд, бо ў вас не будзе на гэта грошай, а ў дзяржавы сучасных лякарняў, і ўсё таму, што цяпер вы працуеце.

- Вашы дзеці будуць пражываць усё тое самае паводле вашага сцэнару, і нават горш, бо цяпер вы працуеце.

- У краіне не будзе дзейнічаць закон і права, і ўлада будзе ў руках бандытаў, бо што цяпер вы працуеце.

- Усе загінулыя і збітыя за вашу ж свабоду дагэтуль не адпомшчаныя, бо цяпер вы працуеце.

- Высакародныя і моцныя людзі рызыкуюць сваімі жыццямі і дабрабытам і па гэты дзень пакутуюць ад рэпрэсіяў, бо цяпер вы працуеце.

- Вы не ўздыхняце свабоднымі грудзьмі, бо цяпер вы працуеце.

- Вы будзеце думаць, дзе ж узяць грошай на помнік памерлым блізкім, бо цяпер вы працуеце.

- Усё ваша жыццё вы будзеце рабіць адзін і адзіны выбар: купіць або адкласці, зэканоміць на мужу ў гэтым сезоне або на жонцы, купіць для дзіцяці або адкласці на лекі для бацькоў, добра харчавацца, або адкладаць цэлы год на хоць які-небудзь адпачынак, бо цяпер вы працуеце.

І як бы вы не думалі і што б вы не думалі - усё гэта сцэнар вашага жыцця да канца вашых дзён, калі вы будзеце цяпер працаваць. А калі вам здаецца, што ўсё нармальна, то гэта ілюзія, бо вы не ведаеце, што такое жыць нармальна. Вы гэтага ніколі не бачылі і ніколі не адчувалі.

Бачыце, як шмат фактаў зняпраўджваюць мудрую прыказку таму, што цяпер вы працуеце. Кожны дзень вашай працы каштуе вельмі дорага ўсёй нацыі. Трэба ведаць, калі праца надае высакароднасць чалавеку, а калі робіць яго рабом і прыгнятае краіну».