«Я выходжу»: сотні менчукоў сабраліся на плошчы Перамен

Менск успамінае Героя Беларусі.

«Белсат»апублікаваў фота з менскай плошчы Перамен, якая знаходзіцца на вуліцы Чарвякова. Сотні менчукоў сабраліся, каб ушанаваць памяць збітага да смерці Рамана Бандарэнкі.

Нагадаем, што ўвечары 11 лістапада Рамана жорстка збілі ў двары ўласнага дома. Пазней стала вядома, што яго даставілі ў Цэнтральнае РУУС. Ужо пасля паўночы Рамана ў коме прывезлі ў рэанімацыю бальніцы хуткай дапамогі. Увечары 12 лістапада Раман памёр.

Яму быў 31 год, ён быў адзіным сынам у бацькоў.