Найбуйнейшы пакупнік калію папярэдзіў беларускія ўлады

Кіраўніцтва нарвежскай кампаніі Yara пракаментавала сітуацыю ў нашай краіне.

Гендырэктар нарвежскай кампаніі Yara Свейн Торы Халзетэр пракаментаваў сітуацыю агулам у Беларусі і канкрэтна са звальненнямі на «Беларуськаліі». «Мы не ўбачылі значных паляпшэнняў у становішчы работнікаў «Беларуськалію». Мы асабліва занепакоеныя шматлікімі паведамленнямі аб звальненні працоўных, якія мірна выказалі свае дэмакратычныя правы», - заявіў кіраўнік Yara. Ён таксама паведаміў, што абмеркаваў гэтыя пытанні ў тым ліку з паслом Беларусі ў Швэцыі Дзмітрыем Мірончыкам. Нагадаем, Yara - адзін з найбуйнейшых сусветных пастаўшчыкоў мінеральных угнаенняў і адзін з ключавых кліентаў Беларускай калійнай кампаніі. Тым часам у стачкаме «Беларуськалію» налічваецца больш за 100 чалавек, як мінімум 55 з іх ужо звольненыя.

На сайце кампаніі Yara з'явілася сёння зварот генеральнага дырэктара Свейна Тарэ Халзетэра пра сітуацыю ў Беларусі. «Прадаўжэнне падаўлення правоў чалавека і правоў працоўных у Беларусі, як апісана ў нядаўняй справаздачы дакладчыка АБСЕ, недапушчальнае, - гаворыцца ў заяве. - Yara цвёрда адданая ўніверсальнаму парадку дня ў галіне правоў чалавека і падтрымлівае Вярхоўнага камісара ААН у правах чалавека ў яе асуджэнні парушэнняў правоў чалавека ў Беларусі».

У кампаніі Yara заяўляюць, што чакалі, што «правы работнікаў будуць выконвацца, і заклікалі да паляпшэння сітуацыі з персаналам «Беларуськалію» і ўзаемадзеяння паміж кампаніяй і прафзвязамі». «Выклікаюць трывогу і нядаўнія інцыдэнты, звязаныя з бяспекай», - адзначае гендырэктар. Нагадаем, раней Алег Кудзелка, адзін з шахцёраў, які адмаўляўся падымацца на паверхню пасля рабочай змен, звяртаў увагу на пытанні тэхнікі бяспекі на прадпрыемстве і расследаванне няшчасных выпадкаў.

«Нягледзячы на нашы сталыя намаганні ў дасягненні пераменаў праз дыялог, мы не ўбачылі значных паляпшэнняў у становішчы працаўнікоў «Беларуськалію». Мы асабліва занепакоеныя шматлікімі паведамленнямі аб звальненні рабочых, якія мірна выказвалі свае дэмакратычныя правы», - адзначылі ў нарвежскай кампаніі.

У Yara заяўляюць, што «існая сітуацыя не задавальняе». «Я вельмі выразна выклаў пазіцыю Yara ў гутарках з шэрагам зацікаўленых бакоў, у тым ліку з паслом Беларусі ў Скандынавіі Дзмітрыем Мірончыкам (пасол у Швэцыі і Нарвегіі (па сумяшчальніцтве. - Заўвага. Рэд.). Мы павінны бачыць істотнае паляпшэнне ўмоў і дачыненняў з персаналам «Беларуськалію», а таксама спыненне рэпрэсій і паляпшэнне ўмоў бяспекі працы», - заявіў Свейн Тарэ Халзетэр.

У канцы лістапада паведамлялася, што нарвежская кампанія прадаўжае закупляць калій у «Беларуськалію» праз Беларускую калійную кампанію.

У верасні прадстаўнікі Yara прыязджалі ў Менск на перамовы з прадстаўнікамі Беларускай калійнай кампаніі і прафзвязаў. Напярэдадні гэтага візіту кампанія размясціла на сваім сайце паведамленне, у якім выказала занепакоенасць сітуацыяй у Беларусі і лёсам звольненых і шахцёраў, якія адбываюць пакаранне. У новым прэс-рэлізе Yara адзначаецца, што пасля гэтага «дадатковых фізічных сустрэч не праводзілася праз пандэмію».

Нарвежская кампанія Yara - найбуйнейшы сусветны вытворца ўгнаенняў. БКК традыцыйна працуе з ёй паводле пяцігадовага кантракта. Да прыкладу, паводле дамовы 2011-2015 года БКК пастаўляла кампаніі Yara больш за 1 мільёна тон калійных угнаенняў штогод. Кошты хлорыстага калію які пастаўляецца Yara, разлічваюцца зыходзячы з шэрагу рынкавых індыкатараў.

Ураду Нарвегіі належаць 36,2% акцый Yara, інстытуцыянальным інвестарам - 30,34%. Прадпрыемствы Yara размяшчаюцца амаль у 50 краінах свету, аб'ём вытворчасці перавышае 20 мільёнаў тон угнаенняў на год. У 2016 годзе прыбытак Yara склаў 11,4 мільярда даляраў, прыбытак да падаткаабкладання (EBITDA) - 1,9 мільярда даляраў. Продажы ўгнаенняў ў 2016 годзе склалі 27,2 мільёнаў тон.

У прэс-службе страйкаму прадпрыемства ў пачатку снежня распавялі, што, паводле апошніх звестак, да стачкі далучыўся 101 працаўнік «Беларуськалію» (сярэдняя спісачная колькасць супрацоўнікаў прадпрыемства, паводле звестак за 2019 год, складала 16,5 тысячы чалавек). З іх ужо звольненыя 55 чалавек. Што адбываецца з астатнімі, пакуль невядома. У стачкаме кажуць, што «зверху далі каманду не цырымоніцца», раней на «Беларуськаліі» таксама заяўлялі, што ў дачыненні да астатніх удзельнікаў стачкі «будуць прыняты аналагічныя пастановы ў адпаведнасці з заканадаўствам».