«Пропуск у іншыя сусветы»: у Беларусі знайшлі аўтамабіль з незвычайнай шыльдай

Хто яго ўладальнік?

У рэдакцыю abw.by прыйшло паведамленне ад чытача. Ён піша, што на аўтакомплексе, дзе ён працуе адміністратарам, прыехаў кліент з незвычайнай таблічкай на пярэдняй шыбе.

"Кліенту гадоў 55-60. Калі я пацікавіўся, навошта пропуск, той адказаў з гумарам, што патрэбны, каб людзі бачылі і блізка не паркаваліся ў двары", - піша чытач.

Пропуск "У іншыя сусветы і прасторы" дае кіроўцу права "паркаваць кіраваныя і некіравальныя сродкі перамяшчэння ў гэтай галактыцы, ва ўсіх міжпланетных сістэмах, а таксама на спадарожніках і астэроідах". Акрамя таго, аўтаўладальнік атрымлівае права "прадстаўляць чалавецтва ў глыбокіх глыбінях касмічнай прасторы, а таксама падпрасторах".

СМІ ўжо пісалі, якімі яшчэ "ліпавымі" пропускамі абзаводзяцца беларускія кіроўцы. Напрыклад, адзін кіроўца набыў пропуск, завераны ва ўправе спраў Лукашэнкі.