На Марш Нямцова ў Маскве выйшлі больш за 22 тысяч чалавек
4- 29.02.2020, 16:15
- 12,631
На акцыі расейскай апазіцыі гучыць лозунг «Перамен!».
Са звестак «Белага лічыльніка», на марш памяці Барыса Нямцова ў сталіца РФ Маскве прыйшлі 22,3 тысячы ўдзельнікаў. Як паведамляе карэспандэнт The Insider, акрамя патрабаванняў знайсці заказчыкаў забойства Нямцова, людзі крычаць «Перамен!», «Пуцін злодзей«, «Мы тут улада», «Кадыраў - ганьба Расеі!»
Сотрудник "России 1" Ярослав Красиенко пытается снять сюжет для ТВ на марше памяти Немцова (это уже классика): pic.twitter.com/ORdNvSXzSB
— Ann (@IfSoAnn) February 29, 2020
Маршрут шэсця праходзіць па Бульварнаму колу і па праспекце Сахарава. Многія ўдзельнікі плануюць пасля маршу пайсці на Вялікі Маскварэцкі мост, дзе Нямцова забілі.
Супрацоўнік «Расеі 1» Яраслаў Красіенка паспрабаваў зняць сюжэт для канала, але яму перашкодзілі журналісты і актывісты.
Акцыі памяці Нямцова праходзяць у Пецярбургу, Новасібірску, Краснаярску, Екацярынбурзе, Волагдзе ды іншых гарадах.
Суд над забойцамі Нямцова прысудзіў пяцёх выхадцаў з Чачэніі да турэмнага зняволення з тэрмінамі ад 11 да 20 гадоў. Заказчык забойства дагэтуль не ўстаноўлены.