1 красавiка 2020, Серада, 3:59
Народны карантын
Рубрыкі

«Хай хоць усе заразяцца - мы потым ўсякую смерць спішам на пнеўманію»

10
«Хай хоць усе заразяцца - мы потым ўсякую смерць спішам на пнеўманію»

Як замежнікі жывуць у Менску ва ўмовах каранавірусу.

На сайце Reddit узнялі пытанне: а ці засталіся цяпер у Беларусі замежнікі? Як вы там выжываеце ва ўмовах пандэміі? Замежнікі, якія перажываюць каранавірус тут, сцісла распавялі пра сваё жыццё, а The Village Беларусь дадаткова распытаў «тых, хто выжыў».

- А не беларусы яшчэ ёсць у Беларусі? Як вы там выжываеце ва ўмовах пандэміі? Чаму вы не з'ехалі? Вы самаізаляваліся? Ці верыце вы, што ўлады змогуць справіцца з эпідэміяй? Ці верыце вы афіцыйным лічбам? Ці адчуваеце вы негатыўнае стаўленне мясцовых?

«Хай хоць усе заразяцца - мы потым кожную смерць спішам на пнеўманію»

- Вось я ўсё яшчэ ў Беларусі. І я не з'ехаў, бо ляцець дадому б давялося 20 гадзін, прытым вельмі высокім коштам - а дома сітуацыя амаль такая ж, як і тут.

Сам я белы, і беларусы, толькі зірнуўшы на мяне, не могуць распазнаць ува мне замежніка. Але ў мяне ёсць сябры-японцы, якім казалі «валіце назад у свой Кітай!». Я жыву нармальна, хіба што рукі цяпер мыю часцей, а ў метро стараюся ні да чаго не дакранацца.

Я не веру афіцыйнай статыстыцы, бо ў некалькіх студэнтаў, якіх я ведаю, праявіліся сімптомы «кароны» - а ў шпіталі адмовіліся тэставаць іх. Здаецца, беларускія ўлады абралі такі падыход: няхай хоць усе заразяцца - а мы потым кожную смерць спішам на пнеўманію.

«Няма прычын вяртацца ў сваю краіну»

- Я родам з Лівана і вучуся ў Беларускім дзяржаўным медыцынскім універсітэце. Я жыву не ва ўніверсітэцкім інтэрнаце, а на кватэры. Мая ізаляцыя настолькі строгая, наколькі гэта магчыма ў маёй сітуацыі. Але пры гэтым я сапраўды раніцай сыходжу на заняткі і ўвечары вяртаюся дадому. Пра што і казаць: універсітэт не ўжывае ніякіх захадаў, хіба што дазваляе прыязджаць на заняткі крыху пазней, каб мы не карысталіся транспартам у гадзіны пік.

Мая сям'я таксама ў ізаляцыі праз высокую колькасць заражэнняў у нашай краіне. Усе мы ў сям'і разумеем, што абмежаванне паездак вельмі важнае, таму маё знаходжанне ў Беларусі ў асобнай кватэры - гэта найлепшая пастанова на гэты момант. У мяне ёсць маскі, а ў сродках дэзінфекцыі няма неабходнасці: мыла значна лепшае і больш эфектыўнае.

Паколькі гэты вірус можа быць бессімптомным да двух тыдняў, то лагічна думаць, што заражаных людзей нашмат больш. Магчыма, іх колькасць павялічыцца - але гэта не азначае, што людзі павінны панікаваць. Гэта азначае, што людзі павінны быць больш асцярожнымі. Няма прычын вяртацца ў сваю краіну - я стараюся заставацца дома як мага даўжэй і праяўляць асцярожнасць кожны раз, калі выходжу.