Зяленскі: Украіна закрывае свае межы для ўсіх

Грамадзяне Украіны, якія знаходзяцца за мяжой, не змогуць вярнуцца часова ў краіну.

Прэзідэнт Украіны Уладзімір Зяленскі заявіў, што ўлады краіны закрыюць межы з 27 сакавіка, у тым ліку для ўкраінскіх грамадзян у рамках карантыну праз каронавірус.

Пра гэта ён паведаміў у сваім відэазвароце.

Пры гэтым ён дадаў, што пра ўкраінцаў, якія засталіся за мяжой, паклапоцяцца дыпламаты.

«Да канца пятніцы, 27 сакавіка, будзе закрытая дзяржаўная мяжа і спынены ўсе пасажырскія перавозкі. Два тыдні таму я заклікаў грамадзян тэрмінова вярнуцца ва Украіну. Большасць зрабіла гэта самастойна. Іншых - а гэта больш за 80 тысяч - мы вярнулі дадому самалётамі, цягнікамі і аўтобусамі... Мы апынуліся перад цяжкім выбарам паміж грамадзянамі і бяспекай 40 млн грамадзян унутры краіны... Пра тых, хто не зможа вярнуцца ў найбліжэйшыя два дні, паклапоцяцца нашы дыпламатычныя прадстаўніцтвы і ўкраінскія грамадзяне за мяжой. Пра ўкраінцаў, якія засталіся за мяжой, ніхто не забудзе», - заявіў Зяленскі.

Прэзідэнт Украіны дадаў, што паступова будуць эвакуіраваць тых, хто застаўся за мяжой, але з улікам эпідэмічнай сітуацыі ў месцах іх знаходжання.