Ад каранавірусу памерла гішпанская прынцэса Марыя Тэрэза
4- 29.03.2020, 12:18
- 49,939
Гэта першая ахвяра COVID-19 сярод прадстаўнікоў манархавых родаў Еўропы.
Стрыечная сястра гішпанскага караля Філіпа VI, прынцэса Марыя Тэрэза, памерла ад каранавірусу. Ёй было 86 гадоў, і гэта першая ахвяра пандэміі COVID-19 сярод прадстаўнікоў манархавых родаў Еўропы, паведамляе svoboda.org.
Пра смерць Марыі Тэрэзы паведаміў яе малодшы брат, прынц Сікст Генрых Бурбон-Пармскі. Сям'я Пармскіх Бурбонаў – малодшая галіна гішпанскай каралеўскай сям'і.
Spanish Princess Maria Teresa of Bourbon-Parma becomes first loyal to die from #coronavirus
— EHA News (@eha_news) March 29, 2020
▪️ The 86-year-old princess has died in Paris, and a funeral was held in Madrid.
▪️ King Felipe IV and Queen Letizia have both tested negative for the virus. pic.twitter.com/dxtoO1Qswj
Марыю Тэрэзу называлі "чырвонай прынцэсай" праз прыхільнасць ідэі "сацыялістычнай манархіі". Яна адначасова падтрымлівала манархісцкую партыю карлістаў і крытыкавала капіталізм. Пры гэтым яна меркавала, што замест класавай барацьбы неабходны няспынны пошук згоды. У яе не было дзяцей, бо яна ніколі не была замужам і жыла адна.
Каранавірусам інфіцыраваныя яшчэ два прадстаўнікі каралеўскіх сем'яў: спадчыннік брытанскага пасаду прынц Чарльз, старэйшы сын Каралевы Вялікай Брытаніі Лізаветы II, а таксама кіроўны князь Манака Альбер II. У самога гішпанскага караля тэст негатыўны.
Гішпанія на другім месцы ў свеце ў колькасці смерцяў ад каранавіруснай інфекцыі. У краіне памерлі больш за 5 тысячаў чалавек.
