Каранавірус у Гішпаніі: за дзень памерлі 849 чалавек

Агульная колькасць памерлых дасягнула 8189.

У Гішпаніі ад каранавірусу за апошні дзень памерла найбольшая з пачатку эпідэміі колькасць людзей, таксама зафіксаваны рэкордны прырост заражэнняў.

Пра гэта паведамляе "Еўрапейская праўда" са спасылкай на статыстыку Міністэрства аховы здароўя Гішпаніі.

За апошнія 24 гадзіны ад каронавіруснай хваробы ў Гішпаніі памерлі 849 чалавек. Агульная колькасць памерлых дасягнула 8189.

Колькасць новых заражэнняў вырасла за апошнія дні на 11% пасля пяці дзён запаволення тэмпаў распаўсюду віруса і дасягнула 94417. Колькасць новых заражэнняў за апошні дзень стала найбольшай з пачатку эпідэміі - 9222.

На гэты момант больш за 5600 пацыентаў з каранавірусам у Гішпаніі знаходзяцца ў рэанімацыі.

З пачатку эпідэміі ачунялі і выпісаныя са шпіталяў больш за 19 тысяч чалавек.