«Лекары не паспяваюць рабіць тэсты, таму што людзі паміраюць»

Што адбываецца цяпер у шпіталях Віцебска.

Дастаюць ложкі са склепа, сталовую перарабілі ў палату. Пра гэта піша тэлеграм-каналу «Баста» Кацярына, сваячка медсястры, якая працуе ў Віцебскай абласной клінічнай бальніцы.

- Вельмі хвалююся за сваю радню, якая жыве ў Віцебску, - піша падпісчыца. - Мая цётка працуе ў абласной бальніцы ў Віцебску. Як і ўсюды ў краіне, бальніца перапоўненая хворымі. Усе аддзяленні перапрафіляваныя пад пнеўманію. За адзін дзень прывозяць больш за 80 чалавек з пнеўманіямі. Лекараў засталося мала: хтосьці звольніўся (малодшы медперсанал), хтосьці хварэе і ляжыць у аддзяленнях. Таму вельмі шмат зараз запрошана медыкаў з іншых бальніц. Нават вельмі маладых. Цётка кажа: «Дзеці, ёй Богу! Яму на выгляд 16 гадоў». Яны ставяць кропельніцы людзям, таму што капаць трэба ўсіх. На мінулым тыдні дадалі па 12 ложкаў у аддзяленне, дастаюць ложкі са склепа. Сталовую перарабілі ў палату.

Вельмі шмат людзей з пнеўманіямі. Лекары не паспяваюць браць мазкі і рабіць усе аналізы, тэсты, таму што людзі паміраюць. Пішуць пнеўманію ў прычыну смерці. Хоць часам забараняюць пісаць нават пнеўманію, не кажучы пра Covid-19.

Цётка вельмі хоча, каб СМІ распавядалі пра маладых лекараў, якія змагаюцца з вірусам сёння. Пакуль у іх хапае здароўя і сіл, каб цягаць, лячыць, вазіць, капаць. Вельмі шкада, што пра нашых лекараў так мала пішуць.

Дзякуй за тое, што яны робяць. Спадзяюся, усё гэта хутка скончыцца.

Сцягвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.