«Тэст на каранавірус не робяць, кажуць, сімптомы іншыя»

Пацыентка распавяла, што адбываецца ў адной з лякарняў Гародні.

Чытачка, якая ў канцы сакавіка трапіла ў пульманалагічнае аддзяленне лякарні №2, звярнулася ў hrodna.life.

Жанчына кажа, што яе хвароба пачалася з казытання ў горле. Іншых сімптомаў не было, таму Святлана (імя змянілі на просьбу гераіні) падумала, што гэта алергія. Праз 3-4 дня з'явіўся сухі кашаль, але тэмпературы не было. Жанчына прадаўжала спісваць усё на алергію.

У гэты момант Святлана ўжо працавала выдалена, таму спачатку не звярнулася да лекараў.

Не магла зрабіць поўны ўдых

«Да 24 сакавіка мяне нішто, акрамя кашлю, не турбавала, пакуль не дайшло да таго, што я не магла зрабіць поўны ўдых, з'явіўся боль у грудзях», - узгадвае Святлана.

Жанчына спалохалася і пайшла ў клініку.

- Яны ўважліва агледзелі мяне і выказалі здагадку, што ў мяне баляць мышцы, бо я шмат кашляю. Адправілі на звычайны аналіз крыві. Ён быў добры, хоць у космас ляцець. Выпісалі некалькі лекаў, - распавядае жанчына.

26 сакавіка Святлана зноў пайшла ў паліклініку, бо яе стан пагоршыўся, і тэмпература пачала расці. 30-га яе забралі ў лякарню.

Большасць пацыентаў – людзі сталага веку

Святлана сцвярджае, што на 31 сакавіка ў пульманалагічным аддзяленні знаходзілася 60 чалавек. Апошняе вольнае месца ў яе палаце занялі 1 красавіка.

Паводле яе назіранняў, моладзі амаль няма, людзей сярэдняга ўзросту таксама. Большасць пацыентаў - паджылыя людзі. Многія з іх у пульманалагічным аддзяленні не першы раз.

- У мяне дыягназ «абструктыўны бранхіт з падазрэннем на пнеўманію». Але на здымках не ўбачылі запалення лёгкіх».

Медыцынскі персанал ходзіць у масках і пальчатках, ля ўваходу ў лякарню ёсць кантрольна-прапускны пункт, нават нам з мужам не дазволілі прайсці. Пускаюць сваякоў толькі тых пацыентаў, якім патрэбная дапамога, каб занесці рэчы. Унутры ўсе бесперапынна апрацоўваюць, кварц, усюды ёсць антысептыкі. Адзінае, на што скардзіліся медсёстры, часам бракуе пальчатак і масак, - дзеліцца Святлана.

Святлана кажа, што ніводзін з тых, з кім яна сутыкнулася ў аддзяленні, не быў правераны на каранавірус, хоць людзі прасілі зрабіць гэта. Яна дадала, што ў асабістых гутарках супрацоўнікі сказалі, што некаторыя людзі праходзілі тэсты, але ва ўсіх выпадках вынік быў адмоўным, бо іх не перавозілі ў іншую ўстанову.

- Я папрасіла правесці тэст на каранавірус, але мне адмовілі. Яны спасылаліся на тое, што ў мяне іншыя сімптомы і карціна адрозніваецца ад каранавірусу. Доктар супакоіў і дадаў: «Ну, знойдуць у вас гэты вірус. І што? Лячэнне застанецца ранейшым», - дзеліцца жанчына.

У той жа час Святлана адзначае, што з самага першага візіту ў шпіталь лекары пытаюцца, ці была яна за мяжой і ці не мела стасункаў з хворымі.

Святлана кажа, што ў лякарні ходзяць чуткі, быццам тэрапеўтычнае аддзяленне часова перапрафілююць у пульманалагічнае.

Святлана мяркуе, што гэта могуць зрабіць, каб мець нейкі рэзерв.