Экс-футбаліст каманды Украіны: Спыніце хто-небудзь гэты чэмпіянат Беларусі, я вас малю

Максім Калінічэнка мяркуе, што трэба спыніць спартыўныя спаборніцтвы падчас пандэміі.

Экс-паўабаронца каманды Украіны Максім Калінічэнка заклікаў прыпыніць чэмпіянат Беларусі, піша «Трыбуна».

«Спыніце хто-небудзь гэты чэмпіянат, я вас малю», - напісаў Калінічэнка ў твітэры.

На пытанне ў каментары да твітаў «А дзе Мілеўскаму тады гуляць?» футбаліст адказаў: «Думаю, ён першы, хто хоча скончыць».

Нагадаем, Беларусь - адзіная ў Еўропе краіна, дзе працягваецца чэмпіянат у футболе.