«За 23 гады не бачыла нічога такоўскага»: відэа з перадавой барацьбы з COVID-19
2- 9.04.2020, 12:34
- 19,290
Адзін дзень з жыцця рэанімацыі лонданскай лякарні.
Аддзялення клінікі ўніверсітэцкага каледжа Лондана пераабсталявалі пад палаты для хворых каранавіруснай інфекцыяй. Многія пацыенты ў цяжкім стане.
Здымачная група BBC правяла адзін дзень у рэанімацыйным аддзяленні шпіталя.
«Мы не зможам справіцца з вялікім наплывам хворых каранавірусам, проста не зможам», - кажа лекар на відэа.
Усе пацыенты з яе аддзялення - у крытычным стане. Кожны дзень у гэтай бітве ёсць пераможцы і загінулыя.
«Я працую ў рэанімацыі ўжо амаль 23 гады і ніколі не бачыла нічога такоўскага, нават пасля лонданскіх тэрактаў, ніколі не бачыла такога хуткага і інтэнсіўнага развіцця хваробы», - кажа іншая лекарка.
«Цяпер я разумею, які быў наіўны, думаючы, што нашымі пацыентамі будуць толькі паджылыя людзі. Тут у нас пацыенты ад 40 да 70 гадоў. У многіх з іх - высокі ціск, дыябет ці захворванні органаў дыхання. Але некаторыя - маладыя людзі ў добрай форме», - кажа яшчэ адзін доктар.
7 красавіка ў Вялікабрытаніі быў зафіксаваны рэзкі скачок колькасці хворых і памерлых ад COVID-19.
Новы дзённы антырэкорд смяротнасці склаў 938 чалавек.
Усяго ў Злучаным Каралеўстве выяўлена 60 733 захварэлых (восьмае месца ў свеце), памерла 7 097 чалавек (чацвёртае месца ў свеце).