У Італіі ад каранавірусу памерлі ўжо сто медыкаў
- 9.04.2020, 16:28
- 11,555
Усяго ў краіне заразілася больш 12 тысяч медыцынскіх работнікаў.
Колькасць памерлых ад каранавірусу медыцынскіх работнікаў у Італіі дасягнула сотні. Пра гэта паведамляе «Еўрапейская праўда» са спасылкай на Ansa.
Італійская федэрацыя медыкаў паведаміла пра смерць яшчэ чатырох лекараў, у выніку агульная колькасць загінулых медыкаў узрасла да 100. Гэтая лічба ўключае і практыкуючых медыкаў, і тых, хто выйшаў на пенсію, але вярнуўся, каб дапамагчы ў барацьбе з каранавірусам.
Прафзвязы ўжо некалькі тыдняў падкрэсліваюць, што тыя, хто працуе ў кантакце з пацыентамі з COVID-19, павінны мець магчымасць рабіць гэта бяспечна і з дапамогай адпаведных сродкаў індывідуальнай абароны.
Усяго каранавірусам заразіліся 12 681 медыцынскі работнік, уключаючы лекараў, медсясцёр, лабарантаў, кіроўцаў хуткай дапамогі, дапаможных работнікаў. Больш за палову заражаных медыкаў - медсёстры.
Як паведамлялася, у Італіі прадаўжае зніжацца дзённая колькасць памерлых у сувязі з COVID-19, а колькасць тых, хто ачуняў, напярэдадні ўстанавіла новы рэкорд.