Пасла Кітая ў Ізраілі знайшлі мёртвым у яго рэзідэнцыі
- 17.05.2020, 13:06
- 15,378
На месцы здарэння працуе паліцыя.
У нядзелю, 17 траўня, у Ізраілі быў знойдзены мёртвым пасол Кітая Ду Вэй.
Як паведамляе CNN са спасылкай на спікера МЗС Ізраіля, яго цела знайшлі ў рэзідэнцыі дыпламата ў Герцліі, недалёка ад Тэль-Авіва.
Паліцыя працуе каля рэзідэнцыі, аднак праваахоўнікі пакуль не даюць каментароў. Прычына смерці амбасадара не паведамляецца.
Паводле звестак крыніц ВВС, дыпламата знайшлі мёртвым у ложку.
58-гадовы Ду Вэй заняў пасаду амбасадара ў Ізраілі ў пачатку 2020 года, за некалькі тыдняў да ўспышкі каранавіруса па ўсім свеце. Да гэтага ён чатыры гады займаў пасаду пасла Кітая ва Украіне.