Банк Францыі ўпершыню выкарыстаў блокчэйн-валюту для аплаты каштоўных папер

Найбліжэйшыя тыдні французскі Цэнтрабанк правядзе шэраг новых экспэрыментаў у гэтай галіне.

Банк Францыі, які выконвае ролю цэнтральнага банка краіны, правёў паспяховыя выпрабаванні ў галіне выкарыстання лічбавай валюты, упершыню выкарыстаўшы тэхналогію блокчэйн для аплаты выпуску лічбавых каштоўных папер. Аб гэтым паведамляецца на сайце фінансавага рэгулятара, піша finanz.ru.

«З пачатку года Банк Францыі экспэрыментуе з лічбавай валютай, каб вывучыць разам з партнёрамі патэнцыйны ўклад новых тэхналогій у паляпшэнне працы фінансавых рынкаў, міжбанкаўскіх пералічэнняў, - гаворыцца ў камюніке. - 14 траўня Банк Францыі паспяхова выкарыстаў блокчэйн, распрацаваны яго камандай для экспэрыментаў для выкарыстання лічбавай валюты цэнтральнага банка (ЦВЦБ), для аплаты выпуску лічбавых каштоўных папер, праведзеных банкам Societe Generale».

Адзначаецца, што найбліжэйшыя тыдні французскі Цэнтрабанк правядзе шэраг іншых эксперыментаў у супрацоўніцтве з іншымі ўдзельнікамі рынку, у тым ліку для «выкарыстання лічбавага еўра цэнтральнага банка ў міжбанкаўскіх разліках». У Банку Францыі адзначаюць падвышаную цікавасць банкаўскай і фінансавай індустрыі да такіх экспэрыментаў і разлічваюць, што іх вынікі «стануць важным укладам <...> у больш глабальныя даследаванні, якія праводзіць Еўрасістэма ў галіне ЦВЦБ».

У снежні 2019 года Банк Францыі паведаміў пра намер праверыць уласную лічбавую валюту ў першым квартале 2020 года. Прэзідэнт рэгулятара Франсуа Вілеруа дэ Гало паведаміў у інтэрв'ю газеце «Эка», што праект будзе тычыцца толькі міжбанкаўскіх пералічэнняў і не закране раздробныя плацяжы для грамадзян. Паводле ягоных слоў, гэты экспэрымент прадыктаваны у тым ліку імкненнем атрымаць вагар уплыву для падтрымкі суверэнітэту нацыянальнай фінансавай сістэмы на фоне з'яўлення прыватных ініцыятыў накшталт праекта кампаніі Facebook для запуску крыптавалюты Libra.