Лібію ачысцілі ад расейскіх наймітаў ПВК «Вагнер»

Апошнія прадстаўнікі ўзброенага фармавання пакінулі краіну.

Найміты з расейскай прыватнай вайсковай кампаніі "Вагнер" 24 траўня пакінулі тэрыторыю Лібіі, дзе яны ўдзельнічалі ў баявых дзеяннях на баку непрызнанага ўрада генерала Халіфа Хафтара. Пра гэта паведамляе тэлеканал TRT World са спасылкай на мэра лібійскага горада Бані-Валід Салема Алайвана.

Са слоў Алайвана, найміты адступілі ад Трыпалі ў аэрапорт Бані-Валід (размешчаны за 150 км на паўднёвы захад ад лібійскай сталіцы) і на трох вайсковых самалётах вылецелі ў Эль-Джуфра, пасля чаго пакінулі краіну.

Пасля зрынання ў 2011 годзе рэжыму лібійскага дыктатара Муамара Кадафі ў краіне быў створана новы ўрад, аднак у 2014 годзе ён раскалоўся і ў Лібіі пачаліся баявыя дзеянні паміж двума адміністрацыямі. Адна з іх - міжнародна прызнаны ўрад нацыянальнага адзінства (УНА), які кантралюе Трыпалі, другая - "табруцкі ўрад", узброенымі сіламі якога камандуе генерал Халіф Хафтар.

Аб адпраўцы расейскіх наймітаў у Лібію ў лістападзе 2019 года пісала амерыканская газета The New York Times. Са звестак выдання, Расея за шэсць тыдняў адправіла ў Лібію 200 наймітаў, сярод якіх ёсць снайперы. Яны ўдзельнічалі ў баявых дзеяннях на баку Хафтара. Акрамя таго, ПВК "Вагнер", са звестак СМІ, займалася вярбоўкай навабранцаў для сіл генерала на тэрыторыі Сірыі.

Паводле ацэнак ААН, у Лібіі знаходзілася да 1,2 тысяч наймітаў кампаніі "Вагнер".