Мікола Казлоў: Правакацыя ў Гародні – гэта злачынства
6- 31.05.2020, 17:03
- 25,552
Беларускім уладам за ўсё хутка давядзецца адказаць.
Беларускі палітык Мікола Казлоў у Менску пракаментаваў правакацыю ў Гародні ў дачыненні да блогера Сяргея Ціханоўскага:
– Лукашэнку і ягоным людзям за ўсё давядзецца адказаць. І за фальсіфікацыі, і за іншыя ганебныя рэчы. Гэтая ганьба ляжа і на іх дзяцей. Ім потым тут жыць, хадзіць з гэтай ношай.
З нагоды затрымання Ціханоўскага хачу звярнуцца да міністра Караева: тое, што зрабілі ў Гародні, усе гэтыя прастытуткі ў пагонах і ў прамым сэнсе – гэта звычайнае злачынства. За яго давядзецца адказваць паводле вельмі сур'ёзных артыкулаў. Беларусы прачынаюцца і прачнуцца вельмі хутка і адказаць давядзецца вельмі хутка.
Мы павінны быць салідарнымі, адважнымі. Мы павінны аб'яднацца, а Лукашэнка павінен сысці. Перад намі, людзьмі добрай волі, стаіць адна праблема – злачынны рэжым Лукашэнкі. І калі мы грамадзяне краіны, то павінны развязаць гэтую праблему. Усе людзі, лозунгі і кампаніі павінны цяпер аб'яднацца і прымусіць Лукашэнку пайсці.
Сайт Charter97.org вядзе анлайн-трансляцыю з легальных пікетаў.