Актрыса Аляксандра Борціч: Беларусы, проста невыказны гонар бачыць вашу сілу!

Расейская актрыса з беларускімі каранямі падтрымала ўдзельнікаў пікетаў для збору подпісаў.

Расейская актрыса Аляксандра Борціч выступіла ў падтрымку гарадзенцаў, якія прыйшлі 31 траўня на Савецкую плошчу падпісацца за канкурэнтаў Аляксандра Лукашэнкі. Відэа і словы падтрымкі яна апублікавала ў сторыс на сваёй старонцы ў Instagram, піша hrodna.life.

«Людзі, які невыказны гонар бачыць ваш сілу. Я ў захапленні велізарным! Прашу вас, не спыняйцеся, і мы будзем вольныя!», - напісала Аляксандра Борціч.

У актрысы беларускія карані. Яна нарадзілася ў Светлагорску, але пасля разводу бацькоў пераехала ў Гародню, дзе яе выхоўвала бабуля да 10 гадоў. У той час маці Аляксандры жыла ў Маскве, пасля яна забрала дачку да сябе.