Сітуацыя з каранавірусам у Гомелі выйшла з-пад кантролю

Сельмашаўская паліклініка запоўненая цалкам.

Зніжэнне захворвання Covid-19? Сітуацыя з каранавірусам у Гомелі «цалкам выйшла з-пад кантролю». Піша работнік Завода ліцця і нармалей, пра ўспышку заражэння на якім мы паведамлялі раней, піша тэлеграм-канал «Баста!».

«Я проста ў шоку! - кажа ён. - Мяне і яшчэ аднаго працоўнага адхілілі ад працы, сказалі ісці дадому і чакаць лекара, бо ў нас пацвердзіўся дыягназ Covid-19. Тры дні сядзелі, ніхто не прыходзіў. Патэлефанавалі загадчыцы ў лабараторыю, ніхто слухаўку не ўзяў. у выніку, датэлефанаваліся ў рэгістратуру, пакінулі звесткі. Да нас прыйшлі, але нашы вынікі ніхто знайсці не можа. Хто тэлефанаваў у медпункт завода, чамусьці ніхто не ў курсе. Сказалі, што мы ўжо перахварэлі, але павінны заставацца дома.

Сельмашаўская паліклініка страціла кантроль над сітуацыяй цалкам. Шпіталь перапоўнены, у жаночае аддзяленне кладуць ужо на калідоры. Ведаю са слоў сваіх працоўных, якія там ляжаць.

І ў нас зніжэнне захворвання? Лекараў шкада, 30 градусаў спякоты, яны ў адзенні «касманаўтаў». Не крыўджуся, што да мяне не прыйшлі, мне проста іх шкада, гэта ніякіх грошай не варта».

Спампоўвайце і ўсталёўвайце мэсэнджар Telegram на свой смартфон або кампутар, падпісвайцеся (кнопка «Далучыцца») на канал «Баста» і стварайце гісторыю свабоднай Беларусі.